Ekki bara sæt...

Blog.central er meira töff!

2005-10-13T22:06:00.000Z

Jæja, þá er ferð minni með blogspot lokið!
Komið hingað og kvittið svo fyrir ykkur þar! ;)

http://blog.central.is/ekkibarasaet

Bless bless fokking blogspot!

2005-10-12T17:24:00.000Z

Ég er alveg búin að gefast upp á þessu helv. blogspot dæmi... nú færi ég mig yfir og hananú!
frekari upplýsingar um það síðar!

2005-10-12T17:21:00.000Z

jeij

2005-10-12T00:39:00.000Z

Ó, hversu latur getur maður orðið?!

2005-10-07T16:10:00.000Z

Vá... Ég er greinilega með allra verstu nördunum í HÍ...
Er á Þjóðarbókhlöðunni kl 16:15 á föstudegi og það eru fáránlega fáir hérna! Þarf þetta lið ekkert að læra? Eða er ég bara svona hrikalega sein á því og allir aðrir búnir með verkefnin sem á að skila eftir helgi?... Allavega... ég þarf virkilega að fara að læra, en er ekki að nenna því...
Sorglegt hvað mér finnst þetta óspennandi... Ritgerð um það hvernig á að nota internetið til að efla lýðræði... Er ekki að finna neinar heimildir á íslensku svo ég þarf líklega að þýða milljón bls yfir á ensku í hausnum á mér! Þetta er ekki skemmtilegt verk!
Jæja...
Annars er lífið alveg ágætt þakka ykkur fyrir!

Nú er klukkan orðin 17:35 og ég er ekki enn farin að skrifa orð í ritgerðinni...
Ætla bara að deila pínu með ykkur...
Alltaf þegar ég sit í bíl og lít óvart á manninn í næsta bíl og hann horfir til baka, svona mini-augnkontakt, þá fæ ég alveg fáranlegan hroll... Svona eins og ef maður sér eitthvað ógeðslegt eða heyrir útburðarvæl... Furðulegt?!!
Svo lenti ég í því að fá augnkontakt við e-n gaur hérna á Bókhlöðunni og ég fékk líka svona hroll þá...
Djöfull er ég skrýtin maður!!! Held ég þurfi virkilega á hjálp að halda... Er ég virkilega orðin svona fráhverf karlmönnum? Nei ég held nefnilega ekki... Þetta gerist ekkert alltaf í svona face to face aðstæðum, en Alltaf þegar ég lendi í þessu þegar ég sit í bíl, og Bara ef karlmenn eiga í hlut...
Veit e-r símann hjá mönnunum í hvítu sloppunum? Ég er að hugsa um að hringja bara sjálf!
Já... kannski er ég bara komin með Rauðu sokkana... ætli ég steypist öll út í kýlum og brenni alla brjóstahaldarana mína?... Æ Vilborg mín, ef það gerist, ertu þá til í að reyna að stoppa mig? Það er nefnilega rosalega dýrt að kaupa nýja brjóstahaldara...

Er ég svona ljót?!!

2005-10-06T16:27:00.000Z

Les þetta enginn?!!
Nema mamma...
og nokkrir aðrir reyndar...

Læri, læri, læri...

2005-10-03T13:22:00.000Z

Já ég er sko orðin öflugur (ath. öflugur ekki öfugur!) bloggari!
Á nefnilega að vera að læra, og sit þess vegna inni á Þjóðarbókhlöðu límd við skjáinn og les blogg annarra! Þetta gerist stundum þegar maður á að vera að gera eitthvað annað... Ætli ég drulli mér svo ekki heim til að lesa þar, og enda svo með því að hanga á msn eða í tölvuleikjum (ekki svona eve online eða eitthvað svo hallærislegt, nei við erum að tala um tetris eða eitthvað því um líkt!), eða laga til, sem væri nú ekki svo vitlaust þegar herbergið mitt á í hlut. Þvoði samt 3 vélar á laugardaginn sem ég kalla ansi gott!
Þynnkan er farin... renndi henni niður með ljúffengum mat sem hann Hannes yndi eldaði fyrir okkur í gær. Rosalega er gott að hafa Hannes í lífi sínu, hann er svo góður við okkur. Kemur oft og eldar fyrir okkur letingjana um helgar! Segir svo að það sé miklu skemmtilegra að elda hjá okkur en heima hjá sér því þá þurfi hann ekki að vaska upp eftir matinn... Ég er allavega alveg rosalega þakklát! Takk fyrir matinn Hannes minn!
Var annars í ótrúlega skemmtilegum tíma áðan... Hann var svona skemmtilegur af því að ég fékk út úr þessari blessaðri lýðræðisritgerð sem ég skilaði á síðustu stundu fyrir 2 vikum síðan... Og ég fékk mun hærra fyrir hana en ég hélt ég myndi fá, eða átti skilið... :) Gaman að fá svona óvæntan glaðning í formi einkunnar!
Annars er ég að hugsa um að drífa mig bara heim... ég er hvort eð er bara í ruglinu núna, ekki búin að gera neitt af viti hérna!
Pabbi minn á afmæli á morgun, 4. okt., bara svona ef þið vissuð það ekki! Efast samt um að hann lesi þetta (ég fékk næstum hjartaáfall þegar gaurinn fékk gsm síma! og notar hann í þokkabót!) svo ég ætla bara að hringja í hann á morgun og sleppa því að senda honum kveðju hérna!
Svo á ástkær systir mín, hún Jóna afmæli bráðum, en það eru reyndar tæpar 4 vikur þangað til. Hún og Óli og Álfheiður Una ætla að koma um næstu helgi, það verður gaman! Er búin að panta klippingu hjá henni um helgina... það verður líka gaman, enda er hárið mitt farið snerta axlirnar á verstu dögunum!
Já ég gleymdi næstum. Mamma og Þröstur komu suður um helgina, það var rosalega gaman að sjá þau. Samt pínu skrýtið að hitta þau svona "oft" því það var ekki "nema" mánuður síðan ég sá þau síðast! Þau komu í kaffi á föstudaginn (fengu reyndar ekkert kaffi og í raun hvort vott né þurrt) og buðu mér svo út að borða um kvöldið á Ruby Tuesday. Voðalega notalegt fyrir okkur Þröst en mamma fékk bara súpu...
Hætti núna því annars nennir enginn að lesa þessa rullu!
kysskyss eða út af!

Hvar endar þetta eiginlega?!

2005-10-02T16:55:00.000Z

Við Jóna Rún ákváðum í gær að fara á djamm og strax þá var ljóst að þetta yrði ekkert létt drykkja og svo farið heim snemma að sofa...
Nei við ákváðum að fara á blindafyllerí... og blindafyllerí var það!
Veit ekki hvað varð um rödd skynseminnar þetta kvöld, því ég fór ágætlega ölvuð niðrí bæ en ákvað samt að skella í mér tveimur tvöföldum þar! Ekki sötra hægt og rólega... ónei... skella í mig!
restin af kvöldinu er í móðu... Ég man allt, en það er samt í móðu... svona eins og ég viti ekki hvort mig hafi verið að dreyma eða ekki.
Nú ligg ég drulluþunn uppi í rúmi og klukkan er orðin 5. Þetta gengur náttúrulega ekki lengur! Ég verð að taka mig taki! Enda er ætlunin að vera edrú um næstu helgi. Held reyndar að það sé vísindaferð á föstudaginn en ég læt mér þá bara nægja 2 bjóra! oj, mér varð meira óglatt bara af því að skrifa bjór!
Lífið er erfitt þegar maður er ungur og vitlaus!

Nýr sími... sama númerið!

2005-09-27T12:42:00.000Z

Búin að kaupa mér nýjan síma! Er samt ennþá með gamla númerið en vil biðja ykkur um að vera dugleg að hringja í mig svo ég geti safnað ykkur aftur í símaskrána mína... enn sem komið er, er ég bara með 9 nr í skránni... sad but true!
síja!

Lost and found...

2005-09-25T16:02:00.000Z

Ég er búin að týna símanum mínum... Svo ekki reyna að hafa samband... Er reyndar með heimasíma, 551-5213
Vona að ég finni blessaðan gemsann aftur... hann týndist á Pravda á föstudagskvöldið eftir of marga fría bjóra... Ég sakna hans svo miiiikið! Hver vill líka stela svona gömlum síma?... Hann er orðinn rúmlega tveggja ára og ekkert töff, en ég elska hann samt...
Hann var líka rosa vel merktur, reyndar bara inní, en það ætti ekki að fara framhjá neinum sem opnar hann að eigandinn er J. Fanney Sigurðardóttir, og símanúmerið í Ystu-Vík þar fyrir neðan...
Jæja... ef þið sjáið hann, segið honum þá að koma heim!

Klukk... eða klukkur

2005-09-21T21:09:00.000Z

Var í afmæli í dag!!!
Kata bestasta vinkona á 23 ára afmæli í dag!
Ég borðaði alltof mikið, enda er Kata þessi líka snilldarkokkur.
Við Vilborg gáfum henni eldhúsklukku (ég veit ekki hversu oft ég var búin að skamma hana fyrir að eiga ekki eldhúsklukku), ostahnífa og fleira.
Skemmtilegt... að ég var einmitt að uppgötva að ég var klukkuð af jónu.
Þið vitið líklega hvað það þýðir... þetta klukk dæmi er búið að fara eins og eldur um sinu í bloggheiminum...
Hér kemur það..

1. Ég er búin að horfa á 9 seríur af Friends á tveimur og hálfum mánuði... voðalega töff, enda ég er endalaust að tala um vini mína, Ross, Chandler, Rachel, Monicu, Phoebe og Joey, oft heyrist t.d. Hey krakkar! Vitiði hvað Phoebe gerði í gær?!!

2. Ég er búin að fá blackout oftar en þrisvar á ævinni.

3. Ég er ekki femínisti og langar mest til að verða heimavinnandi húsmóðir í framtíðinni, en rauðsokkurnar eru líklega búnar að skemma það fyrir mér.

4. Þegar ég var c.a. 11 ára kveikti ég, ásamt ónafngreindum frænda mínum, í sinu heima í Ystuvík og eldurinn fór úr böndunum, Við enduðum með því að slökkva í honum með jökkunum okkar og þegar síðasta glóðin var slökknuð, var að giska 6 fermetrar aðeins sviðin jörð (6 fm er ansi mikið!) . Við vildum ekki fyrir okkar litla líf viðurkenna þennan hrikalega glæp fyrir pabba, svo við rifum bara upp gras í grenndinni og settum yfir... Pabbi komst ekki að þessu fyrr en ég var 19 ára og full...

5. Ég kann aldrei neina texta og muldra bara eitthvað með, Alltaf....

Mig langar að klukka mömmu gömlu, Vilborgu, Lindu beib, Baldur, Ólöfu og Ottó.
Ég mun minna ykkur á þetta ef þið standið ykkur ekki!

hahh, hvað lífið getur verið skemmtilegt!

2005-09-19T15:57:00.000Z

Mér leiðist...
Er samt ekkert leið... mér leiðist bara...
En what ever!
Var að skila ritgerð áðan í stjórnmálafræði um lýðræði... Þetta var án efa lélegasta ritgerð sem ég hef á ævinni skrifað! Veit ekki alveg hvað gerðist... Var svo að tala við krakkana í bekknum og komst að því að allir skrifuðu sína lélegustu ritgerð... Merkilegt hvað háskólinn gerir manni! Maður er bara kominn í 5. bekk í grunnskóla nema með aðeins betri vélritunarhæfileika!
Svo fór ég á djammið um helgina... tvisvar...
Reyndar var ég alveg edrú á laugardagskvöldið, drakk ekki nema 2 bjóra. Enda var tilgangurinn með þvi að fara niðrí bæ ekki sá að labba á staura heldur skemmta Hannesi mínum. Tókst það kannski ekkert alltof vel, en ég gerði mitt besta! Hékk edrú í bænum til kl hálf 4, alveg pottþétt persónulegt met! Reyndar var ég ekki bara að hanga því ég skemmti mér lika alveg ágætlega, dansaði og allt!
En ef þið viljið vita eitthvað um lýðræði, spyrjið mig þá! Ég veit allt um það þótt það hafi kannski ekki sést í ritgerðinni...
Er eiginlega bara að skrifa svo fólk hætti að kvarta yfir skriftarleysi mínu, nú ætla ég að vera dugleg við að drepa ykkur úr leiðindum með innihaldslausum pistlum um líf mitt sem piparjúnku... Er samt ekki tilbúin í samband strax... það er svooo gaman að vera á lausu (ég er samt engin drusla ef þið haldið það..) og þó að ég kvarti stundum yfir karlmannsleysi, þá er ég búin að uppgötva að ég elska sjálfa mig of mikið til að geta farið að deila mér með öðrum :o)

Ringdingaling

2005-09-17T15:43:00.000Z

Nú er lífið orðið erfitt...
Karlmannsleysið er farið að segja all verulega til sín... Var t.d. í Bónus um daginn að glápa á snakkhilluna og velta fyrir mér hvaða snakk myndi fara best með friendsþáttunum sem ég elska svo mikið þessa dagana (sad, I know) og kom þá ekki þessi myndarlegi maður og fór að glápa líka... (á snakkið, hann leit ekki á mig!). Hann var voða vel til hafður og já, virtist vænlegur til undaneldis við fyrstu sýn... Svo ég, eins desperate og ég er, fór að kíkja á hendina á honum, til að tékka hvort hann væri með hring! Manngreyið var greinilega ekki á þeim buxunum að leyfa mér að sjá á sér alla puttana því ég get svo svarið það að hann reyndi að fela þá! Svo ég fór þá bara hinu megin við hann og kíkti "laumulega" á baugfingurinn... fattaði þá allt í einu hvað ég var að gera og forðaði mér í burtu! Hvað í andsk. ég ætlaði að gera með hjúskaparstöðu hans hef ég ekki hugmynd um... Stökkva á hann og reyna að lokka hann inn á lager bara af því að hann var ekki með hring?! A.m.k. sannaði þetta að ég er orðin ansi... jahh sorgleg!
En annars gengur lífið bara sinn vanagang... maður er dreginn á djamm allar helgar... helst bæði kvöldin...
En allavega... ef þið vitið um einhvern ókvæntan myndarlegan karlmann sem er mér samboðinn, þá endilega hafið samband!

Kæri Dr. Phil!

2005-09-06T21:53:00.000Z

Ég ætlaði að stela smá möffinsbita frá Óla frænda, og hann forðaði sér! Sko bitinn ekki Óli... Hann lét sig detta á hliðina svo ég náði honum ekki lengur! Er þetta sign? Á ég að hætta að borða yfir höfuð eða bara svona fitumat? Jahh... ég veit ekki hvernig ég á að taka þessu?!

Lífið er svoooo ósanngjarnt!

2005-09-06T11:52:00.000Z

Ég var búin að skrifa alveg fullt! Ýtti svo á Publish Post, og KABÚMM!!! Allt hvarf! Ég er í fýlu og vil ekki skrifa meira!

Viva Versló

2005-08-04T21:42:00.000Z

Jeij!
Ég er komin með nettengingu!
Hún er reyndar svolítið klikkuð og gerir ekki alltaf það sem ég vil, en ég kemst a.m.k. á netið heima hjá mér!
Annars er ekkert að frétta... ég byrja í skólanum 1. sept. samkvæmt mínum upplýsingum og ætla líklega að skella mér á Skerið 26. ágúst, svona rétt til að fá þynnkumat a la Þröstur og pönnukökur a la Mamma... já það er eins gott að þið standið ykkur!
Versló var bara róleg hjá mér, miðað við hjá mörgum öðrum a.m.k. Fór til Akureyrar þvi mamma heimtaði það og var svo bara í góðu yfirlæti hjá Laufeyju (Lillý) móðursystur. Við mamma, George og Jónína tjölduðum úti í garði hjá henni (þau voru búin að tjalda þegar ég kom...) og eftir fyrstu nóttina gafst ég upp, því ekki nóg með að það væri myglað, heldur var rennilásinn bilaður líka, svo við fengum nokkra ketti í heimsókn um nóttina... var ekki til í að hrökkva upp með andfælum við kattarhlandsbunu á andlitinu svo ég notaði mína ótrúlegu persónutörfa (frekjuna), og fékk kellu til að splæsa á sig nýju tjaldi!
Á sunnudaginn komu svo Óli mágur og hans fríða föruneyti, og ég ákvað að skella mér með þeim á papaball... Vorum fyrst á veröndinni hjá Lillý, ég bað hana pent um leyfi fyrir c.a. 6 manns, mér telst nú að við höfum verið 11-12 þegar mest var, og sí fyllri með hverri mínútunni sem leið... Ég pottþétt fyllst, enda tókst mér að klára heila 700 ml Southern Comfort flösku á mettíma... reyndar með smá hjálp frá góðu fólki, (Ólöf, bróðir þinn var þarna, og ég gaf honum ekki í glas...).
Papar voru fínir, minnir mig... neinei ég man allt! Man t.d. eftir því að ég fór og spjallaði við Papagaurana við barinn... sem ég hefði líklega ekki gert nema undir áhrifum áfengis í miklum mæli...
Jæja... Hannes frændi er kominn í heimsókn og ég ætla að sinna honum og Vilborgu yndislegu!

Ég er miðbæjarrotta og verð það áfram!

2005-06-28T21:17:00.000Z

VIÐ FENGUM HANA!!! Já! Við fengum íbúðina!
Ég flýtti mér á netið til að kjafta á undan Vilborgu :) Sjáið bloggið hennar hér til hliðar og þar sést að ég var fyrst með fréttirnar! vííí!!
Ég dansaði voða fínan dans... ég skal sýna ykkur hann þgar ég hitti ykkur næst!

Vandamálin eru til að leysa þau!

2005-06-27T20:38:00.000Z

Halló halló Hafnarfjörður!

Ég er að fara flytja í íbúð! Alvöru íbúð með fleirum en einum glugga og SÉR klósetti sem ég á sjálf með Vilborgu og Manga, kærastanum sem við deilum saman... Það er örugglega auðveldara að útskýra fyrir pabba að við eigum sameiginlegan kærasta en að reyna að sannfæra hann um að við séum ekki Lessur eins og hann spurði svo skemmtilega um daginn... Kallinn fór nefnilega að hafa áhyggjur af þessari nálægð sem við búum við núna í litla herberginu mínu...

Ég hef reyndar ekki séð íbúðina sjálf... en ég treysti Vilborgu fullkomlega fyrir því að skoða hana. Hún er víst voðalega fín. Á Vesturgötu... = stutt í HÍ (ég er að fara þangað samkv. nýjustu upplýsingum) og stutt á djammið (ég er nú nokkuð oft þar nú þegar). Annars var ég nú að uppgötva að ég er með minn einkabílstjóra sem heitir Vilborg og ætlar alltaf að vera edrú að ég held bara fyrir mig!

Jibbí!!!

Við getum flutt inn 3. eða 4. júlí og þar sem Vilborg á afmæli 19. júlí ætla ég að halda óvænt(!!!) afmælis- og innflutningspartý aðra hvora helgina við 19. (Gerið mér greiða og ekki segja Vilborgu frá þessu... eins og gefur að skilja á þetta að vera óveænt...) Annars var ég að fatta um daginn (pabbi myndi líklega fussa yfir þessu orðavali " að fatta") að mér finnst ekkert voðalega gaman að halda partý... ég get aldrei skemmt mér almennilega. Alltaf stressuð yfir hávaðanum, að fólki leiðist, að tónlistin sé ömurleg og síðast en ekki síst, að ég þurfi að taka til daginn eftir. Vildi að ég væri orðin 16 aftur... Þá var mér nokk sama um þetta allt, amk í minningunni... og þó...
Já ég ætla samt að halda smá teiti! Eða ekki... æ, ég þarf að spyrja Vilborgu og Manga.
En HÍ OG íbúð á sama degi! Jeij!

Íbúðarvandi....

2005-06-04T00:18:00.000Z

Hellú gæs!
Langaði bara að setja auglýsingu hérna inn...
Okkur Vilborgu, ábyrgu vinkonu mína, vantar íbúð fyrir veturinn, jafnvel frá 1. júlí eða fyrr. Eitthvað þriggja herbergja og helst í 101 eða 107 svo við getum nú gengið samviskusamlega í skólann... Allavega... endilega hafið samband ef þið fréttið af einhverju! Þið vitið hver ég er... Ef ekki... hvað eruð þið að lesa ókunnugt blogg sem er í þokkabót leiðinlegt? ;)
Ykkar borga-á-réttum-tíma-og-reglusama Fanney
(Ég ýki að sjálfsögðu alltaf djammsögurnar... bara svo þið vitið það...)

Af hverju brosirðu svona?

2005-04-29T20:59:00.000Z

Vitiði hvað ég er búin að vera stressuð undanfarið?! Vitið þið það?!! Hef varla sofnað á kvöldin vegna ótta um að fjárhagurinn væri í rúst! Málið er nefnilega að af því að ég er svo frek og labbaði bara út, í stað þess að segja upp kurteisislega og vinna minn þriggja mánaða uppsagnarfrest, þá mátti Penninn, undir dyggri stjórn yfirmanns míns, sleppa því að borga mér þau laun sem ég átti inni, OG orlofið mitt... þ.e. einn og hálfan mánuð! úff... ég var að sleppa mér í stressinu...
En svo kom útborgunardagur, þ.e. dagurinn í dag! Og ég fékk allt útborgað.... Þvílík gleði!
Er annars komin með vinnu...
Ekkert spennandi... bara lagervinnu... nenni ekki að tala um það núna.

Hafið þið hugsað um eitt? Það er mjög asnalega að vera einn á gangi út á götu og fatta svo allt í einu að maður er að brosa... mætir einhverjum, og maður er ekki að brosa til hans, heldur bara brosa út í bláinn, kannski er maður að fatta brandara (kemur ekki fyrir mig, ég fatta alla brandara strax, nema þá sem ég fatta aldrei, en það eru bara lélegir brandarar), eða bara að rifja upp eitthvað ótrúlega broslegt...
Stend sjálfa mig stundum að þessu, finnst það alltaf jafn vandræðalegt. Ekki það að maður eigi að strunsa áfram með þóttasvip... en það er nú millivegur!
Mætti svo gaur um daginn... Hann brosti svona kjánalega... fyrst datt mér í hug að ég væri með krot á enninu... svo gat það ekki verið enda er ég fúllkómín! En allavegana... mér fannst þetta ansi krípí...

Já... sæl að sinni!

Sönnun á "ekki bara sæt" titlinum:

2005-04-20T20:15:00.000Z

Hellú kæri alheimur...
Já nú hefur ýmislegt gerst!
Þannig er mál með vexti að ég hef í nokkurn tíma verið að biðja yfirmanninn minn um að flytja mig inn í "bækurnar" en þá myndi ég byrja kl 8 eins og venjulegt fólk, en ekki kl 5 eins og klikkaða fólkið. Ég er nefnilega orðin alveg Hrikalega þreytt og þung (andlega að sjálfsögðu, ég er alltaf jafn sæt og mjó!) af þessum vinnutíma. Svarið sem ég fékk var alltaf: Við ætlum ekkert að bæta við núna en ég skal skoða málið. Svo var það: Það er verið að fara að breyta þarna inni og þá losnar líklega eitt starf.
Sú sem vinnur í bókunum var líka búin að biðja um aðra manneskju þarna inn nokkrum sinnum og hafði alltaf mælt með mér, enda náðum við mjög vel saman og ég er búin að vera mjög mikið að vinna þar inni undanfarið, stundum heilu dagana og vikuna (alltaf bara send þangað þegar lítið var að gera í tínslunni, og ég þurfti að vakna jafn snemma) svo ég kunni flest allt sem kunna þurfti.
Ég var nú ekkert rosalega bjartsýn á að þessar breytingar færu í gegn áður en ég myndi hætt í haust, en svo gerðist það, bókaaðstöðunni var breytt á laugardaginn og þá varð ég aðeins glaðari. En á mánudaginn frétti ég að þessi blessaði yfirmaður minn hafi verið að ráða nýja stelpu inn, og í hvaða starf??? Bækurnar mínar!!! Ég trompaðist... tókst svo að róa mig aftur niður og fór inn á skrifstofuna og spurði hvort þetta væri rétt sem ég heyrði... Já seisei... og ástæðurnar sem hann gaf mér fyrir að hafa gengið svona fram hjá mér voru þær að stúlkan væri bara ráðin inn í sumar og hann vissi ekki að ég ætlaði að hætta í haust... (hinn undiryfirmaðurinn sem var með í ráðum vissi það mjög vel) og þau (yfir- og undiryfirmaðurinn) vildu ekki missa mig úr því starfi sem ég er í núna. Ég trompaðist aftur, hef ekki orðið svona reið út af e-u sem gert er á minn hlut síðan... æ það er of persónulegt til að segja hér... a.m.k. í 3 ár! Mér tókst svo á mjög stuttum tíma að útlista það hvað mér þætti þetta hrikalega illa gert og siðlaust og ég veit ekki hvað og hvað. Þá fékk ég snilldarsvar: Nú? þú ættir nú bara að vera ánægð með það að þér sé treyst svona vel í núverandi starfi!? Nei ég var sko ekkert ánægð með það, ekki á þessum djöfulsins (afsakið orðbragðið lesendur góðir) launum, svo skellti ég á eftir mér. Til að gera langa sögu stutta, tók ég þá ákvörðun að ganga út, kvaddi samstarfsfólkið mitt sem ég á eftir að sakna alveg helling, tók mitt hafurtask og sagðist ekki ætla að mæta á morgun og bara ekkert eftir það heldur! strunsaði svo út með þóttasvip á andlitinu, til þess eins að komast að því að ég ætti ekki fyrir strætó... hehe reddaði því samt fljótt :)
Já, ég er nú greinilega ekki eins mikill kelling eins og ég hélt! Veit reyndar alveg að ef ég hefði ekki gengið út þarna í reiði minni og svekkelsi, þá hefði ég líklega látið þetta yfir mig ganga... en þetta gat ég og stend enn við það! Það leiðinlega er að mér líkaði alltaf ágætlega við þennan yfirmann minn, en svona er þetta.
Ég veit ekki enn hvers vegna þetta var gert, þ.e. ég látin hanga svona í voninni og svo bara látið eins og ég væri ekki til, en hver veit, kannski er bara verið að kenna mér að þola karlmenn enn minn en ég geri? ;) hehe ég er svo bitur!
En þau misstu mig amk hvort sem er úr tínslunni, þ.e. vinnunni sem ég var í OG þurfa að þjálfa tvær manneskjur inn á lagerinn í stað einnar! múhahaha!
En allavega... vitiði um vinnu handa mér? Get byrjað strax... hehehe

Hvað kemur til?

2005-03-20T16:53:00.000Z

Þetta á enginn eftir að lesa enda fólk löngu hætt að kíkja hérna inn... nema þeir allra sorglegustu sem eru búnir að halda í vonina allan þennan tíma...
Ég er þunn... og það skemmtilega er að ég var líka þunn í gær! Ekki eins þunn samt, enda var föstudagkvöldið mjög vægt og hálfgerð kaffihúsaferð.
En í gær átti ég alveg frábæran dag! Eða a.m.k. kvöld, því dagurinn fór í það að horfa á lengdu útgáfuna á LOTR Return of the king, og það já tók allan daginn! En um kvöldið fékk ég alveg frábæra heimsókn frá Jónu Rún sem ég hafði ekki hitt frá því í maí á síðasta ári, enda var hún alltof lengi í USA. Við vorum nú bara rólegar hérna heima hjá Jónu systur, en þau Óli lánuðu mér íbúðina sína í góðmennsku sinni, hafa vorkennt mér að eiga ekkert líf í litla herberginu mínu, þau eiga eftir að sjá eftir þessu þegar þau koma heim, ísskápurinn tómur og allt á rúst! múhaha!
En já við sem sagt vorum bara að rifja upp gamla tíma og svona, ákváðum svo að fá okkur í glas... sem var ekkert alltof gáfulegt fyrir mig sem hafði sofið í 4 tíma nóttina áður... En þegar við vorum að fylla á glas nr 2 heyrði ég kunnuglegar og ekki svo mjög lágværar raddir fyrir utan gluggann. Þar voru komin Bebba, Marta, Sigfús og Bjarni ásamt konu sinni. Eins og þeir sem þekkja til þeirra Skálateigssystkina geta ímyndað sér þá var glatt á hjalla og mikið talað og mikið hlegið! Þau höfðu reyndar ætlað að heimsækja Jónu sys en það tek ég sko ekki inn á mig... og til að ná mér niður á þessari hrikalega vinsælu systur minni gaf ég allt kókið og appelsínusafann sem hún hafði verið svo dugleg við að hamstra í Bónus! HAHH! Við hlustuðum svo dolfallin á Mörtu segja frá Afríkunni þar sem hún býr núna og ja, ég komst að því að ég ætla að flytja þangað út, og láta koma fram við mig eins og drottningu af því að ég er Hvít og á pening (sem er reyndar ekki rétt en maður reddar því...).
Ég hringdi í Jónu áðan og þá höfðu nágrannarnir ekki ennþá hringt til að kvarta undan háværu fólki... Heppnin er kannski með mér!
En svo fórum við Jóna niðrí bæ, eftir að hafa komið við heima hjá mér og skellt í okkur 2x vodka í kók á mettíma. Bærinn var mjög fínn enda hittum við þar frændfólkið aftur! :) Ætla að halda áfram að gera ekki neitt!
Hey það eru að koma páskar og Papar eru í sjallanum á lau! Allir að mæta!

ææææ

2004-08-09T09:53:00.000Z

Æ ég fæ bara ekkert að minnka djammið... ætlaði ekkert að djamma helgina fyrir versló en seisei... Eva Björk kom í bæinn ásamt 2 Frakkagellum og við þurftum að sjálfsögðu að sýna þeim djammið í Rvk.
Svo var skellt sér norður um versló, alla leið í Ásbyrgi! Fór ásamt Halla og vinum hans og var slegið upp tjöldum í Lundi, var reyndar í tjaldvagni, enda annað ekki hægt þegar maður er orðinn svona gamall... Þetta var mjög skemmtileg helgi. Skoðuðum Dettifoss (í annað skipti á ævinni... ég bjó þarna rétt hjá í 3 ár og hafði bara farið upp að fossinum einu sinni...) Hljóðakletta og Ásbyrgi. Svo var djammað...
Um núna um helgina fór ég svo í grillpartý til Aðalbjargar og Valla með rauðvín og alles... Vildi nú ekki betur til en svo að þegar ég var að opna flöskuna með fáránlega upptakaranum hans Valla, gaus upp úr flöskunni, yfir mig og eldhúsið... Já seisei, þetta var stuð. Var öll út í slettum í framan og hárið slapp ekki heldur! :)
Annars er ég bara að vinna og vinna og vinna og sofa... geri lítið annað... :(
Jæja, best að klára nestið sitt...

Börn smörn....

2004-07-21T11:22:00.000Z

Vá hvað ég hef verið löt við að skrifa!
Enda ekkert spennandi sem gerist svo sem...
Það var ættarmót um helgina, svaka fjör! Þetta var sem sagt mömmu ætt, reyndar bara amma og afkomendur og svo afkomendur bróður afa. Hafði ekki hitt hluta af liðinu í svo mörg ár að ég hef ekki tölu á því! Margir komnir með börn og maka og alles... Við Halli skelltum okkur á föstudagskvöldið með tjaldvagn og alles, voðalega fannst mér við gift eitthvað, var skíthrædd um að ef ég liti aftur í bílinn væri þar 1-2 stk börn og hundur... svo ég tók ekki sénsinn! Kom svo í ljós þegar við komum á svæðið að þetta hafði bara verið slæm tilfinning, ekkert þarna aftur í nema áfengið :)
Reyndar var alveg slatta af kommentum þar sem ég var mönuð í að koma með eitt stk barn, svona til að vera eins og hinar systurnar... Jújú, kannski maður skelli sér bara í barneignir, er eitthvað betra að gera? Ekki nenni ég að læra... Bara ekki nefna þetta við Halla, þetta á að koma honum á óvart! (Kannski hann taki eftir því að ég fitni, en þori ekki að minnast á það... tíhí).
Nei vitiði, ég held ég láti bara duga næstu x mörgu árin að fá börn lánuð til að fara í mömmó, þá getur maður skilað þeim aftur þegar maður er kominn með leið á því að vera ábyrgðarfullur einstaklingur! Er einmitt að fara í mömmó á laugardaginn, passa Arndísi Dúnu heilan dag! :) Haldiði að ég geti það? Ætla að reyna að plata Halla með mér í þetta, ekkert gaman að fara í einstæð-móðir-mömmó... ;)

Jæja, annars á bara að slappa af um helgina, þannig að ef þið hafið alveg óstjórnlega þörf fyrir að bjóða mér í villt partý, þá megiði alveg sleppa því... ég vil bara sofa!
Bleble
Fanney móðursjúka

Seint skrifa sumir...

2004-06-28T07:19:00.000Z

Jæja...
Margt búið að gerast síðan síðast!
Fór á þetta líka fína eins árs reunion með ma-liðinu... Bekkurinn minn fór í Vaglaskóg á íslenskt fyllerí á þriðjudeginum 15. júní og svo var hátíðin sjálf 16. júní, þar sem ég þurfti að taka niður hvíta kollinn... þvílík sorg! Svo var farið niðrí bæ á Kaffi Ak og djammað fram á morgun. Að sjálfsögðu með húfuna, því ég gat ekki tekið hana af sökum afleitrar hárgreiðslu... :)
Svo fékk ég frí á föstudaginn og gat farið á skerið að hitta mömmu og Þröst og hitt liðið. Reyndar lenti ég í vinnu á laugardeginum hjá Gumma í Lundi, og var að vinna í 13 og hálfan tíma- fínt helgarfrí það! Svo var ættarmót núna um helgina, á Hrafnagili, mjög góð mæting og fínn matur! Mikið sungið og spilað á gítar... ég snerti reyndar ekki gítarinn, enda frekar örvhent og því veit ég aldrei hvernig hann á að snúa... :)
Það var samt voðalega gott að koma heim, ekki eins gott að vakna kl 4 í morgun, en svona er lífið...
Annars ekkert að frétta held ég... Metallica tónleikarnir framundan og svo bara hangs...
Fyrirgefið hvað þetta var leiðinlegt blogg... en kommon, klukkan er bara að verða hálf átta!

Ok ég skal skrifa!!

2004-06-10T07:02:00.000Z

Ferðin gekk bara vel! Smá tafir reyndar, en núna er mér orðið slétt sama! Komst í gegnum tollinn með allt góssið! :) Sá mest eftir því að hafa ekki keypt vodka handa pabba!
En já, ég er flutt inn í nýju fínu íbúðina mína! Og er svo sannarlega ekki ein! Ónei! Alltaf gestir, allan sólarhringinn! Af öllum stærðum og gerðum skal ég segja ykkur... þetta eru reyndar ekki skemmtilegir gestir, heldur ógeðslegar bjöllur (tegundir sem ég hef aldrei séð áður!), kóngulær og nokkrar flugur... mmm...
Já... annars var verið að kveikja í bílnum hennar Önnu Kristine... einhver brjálaður aðdáandi?... haldiði það?
Annars eru helstu fréttirnar þær, að ég svaf í tæpa 12 tíma í "nótt"! (Já Solla og Gunni, nú geng ég alveg fram af ykkur) Ég fór í heimsókn til Aðalbjargar eftir vinnu og kom heim að verða hálf fjögur, ákvað að leggja mig í 2 tíma því ég var svo geðveikt þreytt og rumskaði ekki fyrr en síminn hringdi kl hálf 10 um kvöldið, úff hvað mér brá! Svo var ég bara svo geðveikt þreytt að ég fór bara að sofa fljótlega aftur... og vaknaði við klukkuna kl 4 í nótt... (oftast kalla ég þetta 4 í morgun, en sumir fatta ekki alveg hvað ég er að meina...)
Ekkert slúður held ég! Því miður Jóna Rún mín! Jú það styttist í reunion! Flýg suður 15. og kem aftur 17. Vá hvað ég hlakka til! Það verður sko geðveikt djamm á þriðjudagskvöldið oooog miðvikud.kv.! Reyndar er ég líka að fara að djamma á morgun... Vinnan ætlar að fara og djúsa í Hvalfirði... Svo er ég líklega að fara í 2 partý með Halla á lau... og ekki nenni ég að vera edrú þar... já ég er að breytast í róna! Hey! Ætti kannski að breyta nafninu í Rónasína Fanney... Jebb, það væri flott...!
Jæja, er ég búin að skrifa nóg af bulli? Vona það, því hver veit hvenær ég nenni að skrifa næst! Er nebbla ekki með tengingu heima, annars væri ég ALLTAF að skrifa, enda ekkert betra að gera!

Nú er frost á Fróni... er það ekki?

2004-05-29T18:30:00.000Z

Já nú styttist í heimferð!
Klukkan er hálf tólf að "morgni" og ég var vakinn með fuglasöng og Sollu... Það var nefnilega svo gott veður úti, að ég bara mátti ekki sofa!
Veðrið í gær var líka æði, enda lá ég í sólbaði allan daginn, þangað til við drulluðum okkur í sund... mmm...
Svo var bara horft á video í gærkvöldi, rólegt og notalegt.
Í kvöld ætla svo íslensku skiptinemarnir að skella sér í heimsókn, borða og drekka, ég vil kalla þetta kveðjuhóf fyrir mig, en þau kalla þetta örugglega bara pásu frá lærdómnum... :)
Jæja, best að fara út, síðasti dagurinn í sólinni er hafinn!
Skrifa líklega næst á Íslandi!

Gestabók!!!

2004-05-27T22:33:00.000Z

Gleymi alltaf að segja ykkur að skrifa í gestabókina mína! Var að setja hana upp fyrir nokkrum dögum... Vonandi kvittið þið!

Og HEY! Myndavélin er komin! JEIJ JEIJ!

Nú er kl níu og ég er orðin svakalega svöng... samt búin að borða heila skál af kókópöffs og seríós kombói... og það var bara fyrir hálftíma síðan... ætli ég sé orðin svona mikið átvagl, eða er kókópöffs bara loft?
Er annars að passa, liðið fór í pizzu og bjór... þetta sífulla pakk!
Nú eru bara 2 dagar eftir í USA... reyndar eiginlega þrír, en síðasta daginn verð ég bara í rútu, á flugvelli, í flugvél, aftur á flugvelli og svo enn í flugvél og svo enn aftur á flugvelli þar sem vinnufélagi minn ætlar að taka á móti mér... Kemur sér vel að eiga góða vinnufélaga... ;)
Myndavélin er annars alveg að brillera, svaka töff græja sko!
Keypti reyndar tösku með henni á netinu, kostaði 750 kall og var skráð sem fylgihlutur fyrir þessa tilteknu vél... kom í ljós að hún er alltof stór... ALLTOF... Heimska pakk!
Úff ég hef held ég aldrei skrifað svona leiðinlegt blogg en það er í læ, þið sleppið þá bara að lesa þetta...
Jæja, nú er ég hætt... best að fara að veiða í matinn, er búin að sjá nokkrar litlar eðlur hérna síðan ég kom, vona bara að ég finni 2-3 stk ákkúrat núna! mmm... Eða hvað... ætli ég þurfi að hafa veiðileyfi?... æj... nú er ég alveg í mínus!

Við skýin felum ekki sólina af illgirni, klappklappklapp!

2004-05-27T19:12:00.000Z

Aloha!
Fór með Sollu systur í verslunarleiðangur í gær, fínasta ferð, en ég keypti afarlítið á sjálfa mig! Var mest í því að versla gjafir handa krakkagríslingunum sem systur mínar hafa verið að eignast í gegnum árin... Fórum svo út að borða um kvöldið, á Applebee's, ágætisstaður svosem, minnti svolítið á Ruby Tuesday. Fékk mér steik... og eftirrétt... Þetta var nebbla eiginlega afmælisgjöfin hennar Sollu frá mér :)
Í dag hef ég bara ekkert gert, jú borðað... Veit ekki hvort ég eigi að viðurkenna það, en það er skýjað, svo ég sem er enn næpuhvít, kemst ekki í sólbað. Jú ég kæmist auðvitað, en hvaða gagn væri af því?! Svo þetta er afsökunin mín þegar ég kem og fólk fer að gera grín að mér. Ég ætlaði nefnilega að nota þessa síðustu 3-4 daga í að hanga í sólinni, en hvað haldiði, það á að vera skýjað fram á sunnudag, og ég fer á sunnudagsmorgun! En ég ætti kannski ekki að vera að kvarta við ykkur Frónbúa... Afsakið tillitsleysið í mér!
Trúi bara ekki að dvöl minni hér sé að ljúka, finnst ég vera nýkomin! Hlakka mjög til að koma heim, en langar ofsalega mikið að taka veðrið með mér!
Ég held ég hafi ekki verið búin að segja ykkur... Ég er komin með íbúð í Rvk! JEIJ! Hún er rétt við flugvöllinn, 2 herbergja eins og það kallast, veit samt ekki enn hvort ég hafi hana bara í sumar eða líka í vetur, en það er a.m.k. gott að hafa stað til að búa á í sumar!
Jæja, nú er ég farin, meinilla farin og búin að vera...
Aloha!

Ég er svo mikil Gella!

2004-05-25T03:14:00.000Z

Keypti mér tölvu áðan!
Compaq, Intel Pentium 4 Processor, 2.8GHz, 512MB RAM, 60GB Hard Drive, 15.4-inch WXGA TFT Display, DVD+R/RW Drive,... vona að hún virki ágætlega...
Kostaði 100 þús...
Annars ekkert að frétta!
Knús frá USA!

Borg Englanna

2004-05-24T05:33:00.000Z

Jæja, þá er stelpuferðin búin!
Þetta var alveg svaka stuð! Komum á föstudeginum og fórum þá á Hollywood Boulevard og skoðuðum stjörnurnar... Fékk meira að segja mynd af mér með handa- og fótaförum Marylin Monroe... Hún var bara ekkert með minni hendur en ég! Svo kíktum við í nokkrar búðir og ákváðum svo, fyrst við náðum ekki í fólk sem við vildum hitta þarna í LA að fara bara í bíó í Chinese Theater, það var nú bara upplifun út af fyrir sig að labba þar inn... Sáum Troy, sem er mjög góð mynd til þess að sjá í svona flottu bíói, reyndar er hún góð hvort eð er... Mæli með henni!
Eftir Troy fórum við í Victoria's secret... er þetta er ekki e-ð sem bara stelpur gera þá veit ég ekki hvað... fara að versla kl hálf ellefu um kvöld, eftir bíó... :)
Svo var bara haldið af stað í íbúðina, ferðin þangað tók samt örugglega 1 og hálfan tíma, a.m.k. í minningunni...
Daginn eftir var vaknað snemma, og farið á kaffihús með fullt af ljótum sófum og dúfuhreiðri inní. Svo var stefnan tekin á Del Amo, stóra verslunarmiðstöð og vorum við mjög duglegar þar! Þetta var bara á við heilan vinnudag eins og Guðný orðaði það. Svo var farið heim að gera sig að gellum og farið að leita að veitingarstað, fundum nokkra slíka við ströndina, ágætis bryggjuhverfisveitingarstaðahrúga þarna. Eftir að hafa etið nægju okkar fórum við á "næturklúbbinn" sem var fyrir ofan veitingastaðinn, það var eiginlega toppurinn á ferðinni... Fólkið þar inni var svo gamalt að við lækkuðum örugglega meðalaldurinn um 15 ár þegar við gengum þarna inn. Á gólfinu var gamalt par að dansa frekar illa, svo fór það og annað par tók við... Það dansaði mjög dirty... maður fór næstum hjá sér... Okkur leiddist þó ekki, því við gátum sko hlegið eins og vitleysingar að þessu liði... Fórum svo að hugsa um það að við værum 5 stelpur á aldrinum 21-24 á Girls night out í LA og við vorum þarna... já við erum sko greinilega orðnar of gamlar fyrir glaum og glys miðbæjarins...
Spurðum svo þarna á barnum hvort það væri ekki karókí-bar þarna nálægt, svarið var: Nei, þetta er sko flottasti og skemmtilegasti barinn á svæðinu!... Þá féll okkur allur ketill í eld og við forðuðum okkur út... Fundum svo sal með einu tívolítæki og fullt af, æ svona básum þar sem hægt er að vinna ef maður er voðagóður að kasta eða e-ð... Tívolítækið var samt mjög skemmtilegt, svona bollar... Kostaði líka bara 2 dollara, sem er nú mjög lítið!
Fljótlega fórum við svo bara heim að sofa, enda var ekki alveg þess virði að leita að fleirum börum fyrst þessi "nightclub" þarna var sá BESTI! :)
Svo fór dagurinn í dag í smá lautarferð á ströndina, tókum mynd af ALVÖRU lifeguard-bílum og turnum... þetta var ge-egt! Svo var farið og brunað til Önnu og Palla, Íslendinga sem búa í Santa Monica- LA. Þar var spjallað í smá stund, eða alveg þangað til verslunaræðið tók við sér og dró okkur út... Við röltum niður göngugötuna og það voru mjög margar skemmtilegar búðir þarna, ég keypti mér meira að segja gallabuxur og alles, og Ólöf, þó ég sé búin að vera að þræða hinar ýmsu kjólabúðir er ég samt búin að kaupa mér þrennar buxur!!!
Aftur fórum við svo til Önnu og Palla, spjölluðum og drukkum smá bjór... Svo var bara brunað heim!

En btw, HÉR eru myndir síðan í Las Vegas...
Er alveg örugglega að gleyma e-u... en þá skrifa ég það bara seinna!

Ég VAR í lífshættu!

2004-05-21T03:09:00.000Z

20. maí 2004
Nú hef ég sko fréttir að færa!!!
Þetta voru hákarlar!!!
Fanney var ekki bara heimskur túristi, ó nei, Fanney var klár!
Reyndar verð ég að viðurkenna að þeir bíta ekki... hvað þá éta mann eins og mín fyrsta hugmynd var, en samt! Ég er alveg viss um að þeir sem vita að þeir bíta ekki, hlaupa samt í land þegar þeir sjá þá!
Annars er ég bara búin að vera að slappa af undanfarna 2 daga... Fór í sund (hékk á sundlaugabakkanum í von um brúnku, sú von var falsvon) í gær, voðalega notalegt bara, svo var farið og fengið sér þjóðarrétt USA- McDonalds hamborgara, franskar og kók og ís í eftirrétt! (Ég er nokkuð viss um að greyið Halli fær sjokk þegar hann endurheimtir gelluna frá USA, orðin feit og girnileg! En það er bara spennandi...).
Svo var bara e-ð dundað sér fram að háttartíma, við Solla áttum notarlega kvöldstund saman, þ.e. við tvær og freyðivínsflaska. Skoðuðum fartölvur á netinu, en ég er einmitt að hugsa um að fjárfesta í slíkri fyrir heimferðina, ekkert vera að tilkynna tollayfirvöldum það samt...
Reyndar skoðuðum við líka myndavélar á netinu í gær, panta mér líklega eitt stk í kvöld, já maður á endalaust af þessum dollurum- enda er dollarinn búinn að lækka um heila krónu síðan ég kom! Heppin!
Já svo er það bara LA í fyrramálið!
Erum búnar að fá íbúð lánaða og alles, Jonna og Bragi, systkini á níræðisaldri sem búa hér í Santa Barbara eiga íbúð á frábærum stað í LA og voru alveg meira en til í að lána okkur hana- 5 maístjörnur fá þau fyrir það! Vorum annars í kaffi hjá þeim áðan, held barasta að öllum Íslendingum á svæðinu hafi verið boðið, við mættum a.m.k. níu þarna í kaffi, pönnsur með rjóma, fullt af sætabrauði, snakki, gosi og að sjálfsögðu bjór og hvítvín, er alveg vel södd eftir þetta allt saman!
Áður en ég fór í kaffið, skellti ég mér þó á ströndina með Gunna og Bill, en þeir voru að fara að sörfa. Ég vissi betur en svo að hætta mér út í sjóinn (hver veit nema hákarlarnir séu með hundaæði?!) og lá bara á ströndinni og las.
Nú er ég bara orðin drulluþreytt eftir daginn, en klukkan er samt bara að verða hálf níu... veit ekki alveg hvað er í gangi...
Solla systir á svo afmæli á morgun (í dag á íslenskum tíma...)!!! Veit ekki hvort ég eigi að segja ykkur hvað hún er orðin gömul, en hún er 6 árum eldri en ég, og ég er 21 svo giskið bara sjálf!
TIL HAMINGJU MEÐ AFMÆLIÐ SOLLA!

Ég skrifa svo meira þegar ég kem frá LA- vonandi búin að hitta e-n frægan!

Passi, passi, passi...

2004-05-19T05:20:00.000Z

Nei það er ekki kominn 19. maí ennþá!!! Ekki panikka! Ennþá er það bara 18., a.m.k. á mínu dagatali, en klukkan er samt orðin tuttugu mín í 11 svo það styttist!
12 dagar til heimferðar.
Ekkert að frétta.
Ég hef verið notuð óspart í dag. Passaði Gabriel í morgun (eins árs strákur sem Solla passar 2x í viku), svo Arndísi Dúnu eftir hádegi og svo aftur í kvöld. Er einmitt að passa ákkúrat núna. Var annars að horfa á Grease áðan... keypti hana á dvd og sé ekki eftir því! Ótrúleg snilld þessi mynd! Borðaði líka svo mikið nammi að ég er að kafna...
En nú eru reyndar smá fréttir! Ég er líklega að fara til LA um helgina með Guðnýju, Dóru, Siggu og Mæju, stelpum sem eru skiptinemar hér. Þetta verður líklega stanslaust stuð og stanslaus eyðsla... Höfum svo sem engin plön, en hver veit nema við kíkjum á búðir og stjörnurnar í götunni á Hollywood boulevard, því þótt ég hafi komið til Hollywood áður, fór ég ekki að stjörnu-prýddri götunni... sorglegt, ég veit!
Annars er ég komin með milljón bit á lappirnar... flugur, sem hafa reyndar aldrei sóst í mig áður, virðast alveg orðnar vitlausar í blóðið mitt... Kannski er það svona sætt af öllu namminu, gæti reyndar best trúað því, en þetta er mjög óþægilegt, að ekki sé minnst á ljótt... ég er með þvílíkt bólgna rauða bletti...mmmmmm...
Jæja, hef það ekki lengra í dag!
Sæl að sinni!

Afmæli og Júrovisjón!

2004-05-17T04:34:00.000Z

Hlustið kæru vinir ég skal segja ykkur sögu...
Nei bara að plata!!! Þetta er ekki beint saga, heldur svona tuð...
Í dag, 16. maí (ég er með e-a fötlun þessa dagana sem lætur mig alltaf skrifa máí... bæði í tölvu sem handskrifandi, furðulegt mál!) var afmælisveislan hennar Arndísar Dúnu! Þetta var alveg brilliant dæmi, haldið í garðinum hérna hjá Sollu og Gunna, með gasblöðrum (sem við Árdís keyptum (Árdís er íslensk stelpa sem býr hérna í CA)), svaka flottum HAPPY BIRTHDAY borða, íslenskum SS-pylsum, remúlaði, steiktum lauk og SS-pylsusinnepi en þessi matur var e-ð sem ég smyglaði inn í landið án samvisku! Að sjálfsögðu var einnig bjór í boði, eins og alltaf í eins árs afmælum... Svo var þessi líka fína ammeríska kaka og alles! Og vitiði hvað! Ég borðaði 3 pylsur, hálfan maísstöngul og stóra kökusneið! Já ég er sko stolt af mér! Afmælisbarnið fékk að sjálfsögðu fullt af fínum gjöfum, svakalega falleg föt og skemmtilegt dót!

Svo fór ég heim með Dóru og Guðnýju í pottinn, svakalega notalegt alveg! Svo ákvað liðið að fara að horfa á Alias eina ferðina enn, svo við þrjár fórum aftur til baka, stelpunara reiðandi hjólin sín og ég bara gangandi, komum við í búð og keyptum ís, jarðaber, súkkulaði til að dýfa þeim í, og íssósu, alltaf stanslaus veisla hér í landinu þar sem offitan var fundin upp! Þar sem enn var ágætisspölur heim ákváðum við Dóra að tvímenna á hjólinu, hún sat á stönginni og ég hjólaði. Jú þetta gekk svo sem ágætlega fyrst en svo kom að því að við þurftum að fara yfir e-a hindrun og Dóra fór af (viljandi). Svo var að reyna að koma okkur aftur af stað, það gekk ekki betur en svo að ég er öll rispuð á kálfanum og hnénu eftir að við duttum inn í pínulítinn runna... og það var ekki í eina skipti sem við duttum, enda varð það niðurstaðan að kannski væri bara öruggara að labba restina, enda vorum við næstum komnar. En það er eins gott að maður fari ekki í sjóinn í bráð, með allar þessar rispur, hákarlarnir myndu halda að það væri verið að taka upp Kill Bill 3 þarna og koma æðandi!!!

Júrovisjón!!!
Hvernig fannst ykkur??!!
Ef ég myndi það, segði ég ykkur, en því miður... talið við Sollu, hún var edrú!
Nei ég er að grínast mar... ég var nú ekki alveg svo slæm!
Að sjálfsögðu var haldið Eurovision partý hér eins og alls staðar annars staðar þar sem fleiri en einn Íslendingur býr! Reyndar byrjaði keppnin kl 12 á hád, en það var bara gaman! Myndin var líka mjög óskýr enda tekin í gegnum netið, mynd og hljóð pössuðu ALDREI saman alla keppnina, hljóðið var fyrst 20 sek á eftir, svo 5 sek á undan og svo... svona gekk þetta endalaust! Við vissum t.d. alltaf hvaða stig hvaða land var að fara að gefa áður en það var sagt því stigið var komið á töfluna löngu áður en við heyrðum hvað viðkomandi sagði. En þetta er bara stemming! Það var líka mjög sniðugt að hafa þetta svona snemma, ég var orðin edrú aftur kl 9 og var þess vegna ekkert þunn í morgun! Stór Plús! Eftir keppnina var grillað og svo farið í pottinn og laugina, mmmmm ljúft að lifa!
Mér fannst Jónsi annars standa sig mjög vel! Var eiginlega hissa á því hvernig lagið kom út, og við fengum þó fleiri stig en fyrir Birtu! Gísli Marteinn alltaf að vera bjartsýnn! Veit aftur á móti lítið um þetta sigurlag... fannst eiginlega Bosnía Hersegóvína hefði átt að vinna... Geðveikur gaur mar!!!

Hey, eitt um Vegas sem ég gleymdi að minnast á!
Teppin á hótelunum/Casinounum.
Þau eru svo ljót.
Ég hef í alvöru sjaldan séð aðra eins smekkleysu! Alveg ótrúlegt! Öll mynstruð, og oft var kannski allt blómamynstrað, nema gangurinn, og hann var svartur með allskonar lituðum doppum... hræðilegt! En annars voru ljósin flott! ;)

Jæja, þá vil ég nota tækifærið og óska Arndísi Dúnu frænku til hamingju með 1 ár afmælið á morgun 17. maí (skrifaði það núna mái). Jónu Rún vil ég einnig óska til hamingju með 22 ára afmælið, í dag, 17. maí (ég segi í dag, því klukkan er orðin 12 hjá henni)! Lifið í lukku stelpur!!! Girl Power!

Hákarlar, ó já Hákarlar!!!!

2004-05-14T17:04:00.000Z

Í gær fórum við Jóna á ströndina með Gunna og vini hans, þeirra plan var að sörfa en okkar var að verða brúnar og fá húðkrabbamein eins fljótt og auðið var!
Jú þetta var sko fínt, ég, algjör matsjó óð út í sjó, hann er nebbla ekkert svo voðalega heitur hérna, en vandist fljótt. Ég var svakagella þarna í glampandi sólskini, vaðandi í efnislitlum sundfötum, þangað til hættan barði að dyrum!!!
Ég leit niður og sá 2 hákarla!! Já ég er alveg sannfærð um að þetta voru hákarlar, enda stökk ég af stað til að ná landi sem fyrst, með minni heppni tókst mér samt að fótbrjóta mig og fá risastóran skurð á hnéð, svo blóðið flæddi um allt! Ekki mjög sniðugt þegar maður er að flýja undan mannætuhákörlum!
Ok, ég skal viðurkenna þessi saga var pínu ýkt hjá mér... EF þetta voru hákarlar, þá voru þeir frekar mjög litlir, en þó a.m.k. hálfur metri að lengd, en þeir litu samt út eins og hákarlar... Ég fótbrotnaði ekki heldur meiddi mig í tánum (ég er samt hölt núna!) og ég fékk ekki risatóran skurð, heldur smá skráum sem blæddi ekki úr, nema í mesta lagi hálfum dropa... Já svona reynir maður að krydda líf sitt!
Annars var planið að fara í vatnsrennibrautagarð á eftir, en það er lokað... þvílíkir aular að hafa lokað þarna í þessu góða veðri!!! Svo nú er þetta síðasti dagurinn hennar Jónu í Californiu og við höfum ekkert plan!!! Líklega ætlum við bara að fara niðrí bæ, fundum nebbla svo æðislega kjólabúð það... úff púff, ég sem ætlaði að hætta að versla, þ.e. eftir að ég er búin að finna mér buxur...
Jæja, sæl að sinni!

Hey ég gleymdi næstum!
Ég er virkilega ekki bara sæt!!! Í fyrrakvöld lærði ég spil sem Solla og Gunni eru alltaf að spila og heitir The Settlers of Catan upp á enskuna en Landnemarnir á íslensku, það er svo sem ekkert merkilegt um það að segja nema að Gunni vann... Eeeeen þegar ég spilaði þetta í gær, já, ég veit þið búist ekki við þessu, en ég VANN!!! Og þetta er mjög mikið hugsunarspil... ekki bara heppni, enda er ég ætíð mjög óheppin í spilum, en bara heppnari í ástum, a..m.k. þessa dagana :)

Las Vegas

2004-05-11T18:22:00.000Z

Part I

Þetta var æði!!! ÆÆÆÆÐI!
Algjör stelpuferð út í gegn!
Við lögðum af stað kl 12 á lau og á leiðinni sáum við þetta líka fína outlet center, svo við URÐUM að stoppa og koma við í GAP þar sem við versluðum eins og vitleysingar! Þetta hefðum við aldrei getað ef karlmenn hefðu verið með í för! Ég keypti mér 3 boli, eina peysu, einn kjól og 2 pils og allt þetta kostaði innan við 10 þús!
Þegar við komum svo til Las Vegas um kl átta, tékkuðum við okkur inn, fórum upp á herb. og skiptum um föt og svo var farið út að borða. Þess má geta að ég keypti mér margarítu kl 9, þremur tímum fyrir miðnætti! Vá, ekkert smá ólöglegt! Kvöldið fór svo í það að rölta um og gambla í spilakössum... nei ekki svo mikið samt!
Á miðnætti, en þá varð ég einmitt 21 fórum við svo á barinn og keyptum okkur stærsta kokteil sem ég hef drukkið, Long Island í mjög flottu glasi, við grunum þó barþjóninn um að hafa svindlað á okkur, því engin okkar nema Guðný fór að finna e-ð á sér eftir að hafa drukkið meira en hálft glasið, það endaði með því að ég hellti afgangnum af mínu þegar ég var ekki búin að koma niður sopa í svona hálftíma, enda virtist maginn minn vera útþaninn alla ferðina, ég borðaði nebbla alltaf alltof mikið!
Við fórum svo bara frekar snemma að sofa, enda þreyttar eftir þessa erfiðu (verslunar)ferð.
Jæja, nú þarf ég að fara að drulla mér í sturtu og fara að gera e-ð spennandi með Jónu!
To be Continued...

Part II

Jæja, nú er maður sestur aftur við tölvuna, við Jóna vorum mjög duglegar í dag, fórum í bæinn að versla og gerðum það vel! Nú eru Jóna, Solla, Gunni og Jón Skírnir vinur þeirra öll að horfa á Alias, mér finnst það ekki skemmtilegt svo ég hangi hér í staðinn...
En allavega, við fórum svo daginn eftir á röltið, skoðuðum önnur hótel, fórum í rússíbana sem var bæ ðe vei einn sá hrikalegasti sem ég hef farið í, mig langaði samt aftur um leið og ég var farin út en gat það ekki því við vorum að flýta okkur upp á hótel til að skipta um föt og hella í okkur smá margaritum og rósavíni upp á herbergi. Svo var ferðinni heitíð á annað hótel sem heitir Rio því þar var sko aðal fjörið, sýning sem nefnist Chippendales. Þar má nebbla sjá þessa líka himnesku karlmenn, 12 stk, fækka fötum, og reyna að vera sexy í leiðinni... Þetta gekk ekkert svaka vel hjá þeim, jú vissulega fækkuðu þeir fötum, en í staðinn fyrir að vera sexy, voru þeir bara bráðfyndnir, ég lá í krampa allan tímann! Ég meina kommon! Eru karlmenn í g-streng, grípandi um punginn á sér virkilega það sem konum finnst sexy?... Nei hélt ekki! Þetta sjóv tók örugglega tvo tíma, mjög flott, og VEL þess virði að sjá! Maður fékk nú aldrei að sjá, já ég ætla bara að segja það, typpin á þeim, en allt annað!
Þarna voru atriði með verkamönnum, gaurum sem skúra þilför á skipum, mjúkum mönnum, já bara allar týpur af mönnum sem þú vilt! Æ, ég er ennþá að hlæja að þessu! Svo eftir sjóvið var hægt að fara og láta taka mynd af sér með þessum folum, og Solla dónalega systir mín vildi endilega fá svona mynd, svo við biðum í röð til þess að fá að komast nær þessum Grísku Guðum Las Vegas. Ég verð nú að viðurkenna að ég keypti mér spilastokk með myndum af þeim og fékk plakat... Get ekki beðið eftir að fá að hengja það upp!

En eftir þetta fórum við á e-n næturklúbb þarna á hótelinu sem hét Bikinis held ég... Frekar leiðinleg tónlist, en ég fékk ekkert að dansa því mér varð svo hrikalega ill í maganum, líklega e-ð sem ég borðaði, en ég sat bara og fylgdist með furðulegu fólki í kringum mig, t.d. gamla perrann sem sat á næsta bás með unga ljósku í fanginu og ruggaði sér og hossaði... veit ekki ennþá hvort e-ð var í gangi eða ekki, og vil helst ekki vita það...
Því næst fórum við heim á hótel og ég fór að sofa, enda maginn í vondu skapi, en stelpurnar fóru að gambla í casinoinu, þær unnu ekki neitt og komu upp fljótlega á eftir mér...

Morguninn eftir settum við allt draslið í bílinn og röltum svo á Feneyjarhótelið sem við vorum búnar að heyra að væri svo rosalega flott, og flott var það, með síki í gegnum það allt og gondólar siglandi. Alveg er ég viss um að Kanar sem koma þarna og í Parísar-hótelið og New york-hótelið sem voru þarna líka hugsa sumir með sér, "nú, ég er búin að sjá Eiffel-turninn og frelsisstyttuna og síkin í Feneyjum í Las Vegas, þá þarf ég varla að fara þangað til að sjá það!".
Eftir Feneyjar fórum við að borða og svo heim á leið. Reyndar tók heimferðin svolítið langan tíma, því við URÐUM að stoppa aftur í outlet center-inu sem við stoppuðum í á leiðinni til Vegas og skoða í fleiri búðir... Æ við erum stelpur for kræing át lát!

Jæja, nú nenni ég ekki að skrifa meir, enda efast ég um að nokkur nenni að lesa þessa rullu! En ef þið nennið því ekki, lesið þá allavega partinn um Chippendales! Og tékkið á heimasíðunni til að sjá myndirnar og þar má einnig sjá uppskriftir, farið í "Fun stuff" og svo "Recipes"! ;)

Vegas, here we come!

2004-05-08T17:37:00.000Z

Erum að fara að leggja af stað til Vegas! Jóna kom í gærkvöldi og við kjöftuðum og slúðruðum fram á nótt :)
En allavega, ég á afmæli á morgun en þar sem ég verð að heiman, þá verður ekki hægt að ná í mig. Blóm og kransar vinsamlegast afþakkaðir en þeim sem vilja minnast mín er bent á reikning 162-26-002328, kt 090583-5819!
Og að sjálfsögðu e-mail, fanneysig@hotmail.com

p.s. Ef við rekumst á Elvis, eigum við þá að skila kveðju???

Frábær linkur!

2004-05-07T17:17:00.000Z

Allt fínt að frétta, fékk jafnvel smá lit í gær... kannski er það ímyndun...
En allavega, ég vildi bara að þið gætuð notið veðursins hérna með mér svo ég setti inn link sem sýnir veðrið í Santa Barbara, as we speak, en athugið þó að tímamismunurinn er 7 tímar svo t.d. er klukkan bara 20 mín yfir tíu um morgun núna...
Annars er Jóna Rún að koma í kvöld!!! Jeij!!!

Aftur er ég komin á netið... klukkan er tuttugu mín í átta um kvöld og ég vildi bara segja ykkur hvað ég hef verið að gera í dag... Sat í sólinni og las heillengi, svo fór ég ásamt Sollu og Arndísi Dúnu í sund með vinahjónum Sollu og Gunna, því miður er ekki sundlaug hérna hjá Sollu, en þau voru með sundlaug til yfirráða...
Allavega... klukkan sjö í kvöld sat ég á sundlaugarbakkanum og borðaði pizzu og drakk bjór, bara í bikiníi (ég var í bikiníi, ekki bjórinn (Solla misskildi þetta e-ð)... múhahaha

So-ólin, So-ólin allstaðar...

2004-05-06T20:06:00.000Z

klukkan er rúmlega 1...
Jæja, nú er maður búinn að kíkja á búðirnar hérna, gerði það í gær. Fann alveg slatta sem mig langaði í en ég veit ekki hvað hefur komið fyrir mig... ég keypti ekki neitt!!! Já, þetta er mjög furðulegt... það mætti halda að ég sé farin að spara eða e-ð, en svo er nú ekki, ég hef nú aldrei verið svo skynsöm!
Í dag er ég bara búin að hanga útí sólinni og lesa og reyna að fá smá lit... gengur mjööög hægt... Gabríel, eins árs strákur sem Solla passar c.a. 2x í viku, er í pössun og ég bara hangi úti í stað þess að hjálpa til... og núna hangi ég inni í tölvunni... þetta gengur bara ekki lengur! Best að fara að gera e-ð...
Hey.. það er ekki ský á himni!

God bless America

2004-05-05T00:32:00.000Z

Kl er hálf sex, þriðjudaginn 4. maí og nú verða sagðar Sólar-fréttir!
Jæja, eins og ég sagði þá gekk þetta rosalega vel... Svaf t.d. alla leiðina frá Minneapolis til LA... Enda var klukkan orðin 2 eða 3 á ísl. tíma þegar ég lagði af stað...
Byrjaði að sjálfsögðu á því að fá mér bjór á flugvellinum í Keflavík, svo var þetta bara allt voða gaman... Ekkert vesen, nema þegar ég var að tékka mig inn í flugvélina til LA sagði gellan sem afgreiddi mig að farangurinn minn kæmist kannski ekki á leiðarenda því ég væri ekki með e-n farangursmiða... en hann kom og þegar ég gáði betur fann ég farangursmiðann á miðanum... heimsku Kanar!
Gunni, maðurinn hennar Sollu kom svo og náði ég mig til LA þar sem síðasta rútan fór um leið og ég lenti... sniðugt kerfi það!
Svo vaknaði maður bara kl sjö í morgun og settist út í morgunmat ásamt Sollu og Arndísi Dúnu sem er bæ ðe vei Algjört krútt! Svo fórum við bara á búðarráp, þ.e. í matvöruverslun o.þ.h.- ekkert merkilegt... En nei ég er ekki orðin ge-egt brún bött æm vörking on itt!
Jóna Rún kemur svo á föstudaginn og verður í viku og þá verður sko fjör! Ætlum að fara til Las Vegas á laugardaginn, ég, Solla, Jóna Rún, og líklega tvær íslenskar stelpur sem búa hérna. Slettum líklega ærlega úr klaufunum því ég verð 21 árs á sunnudaginn, og það þýðir að ég má kaupa áfengi hér í þessu blessaða landi! Gaman að upplifa þetta "ég á afmæli og nú má ég kaupa áfengi" dæmi aftur...
Svo verður Júrovisjon hádegi laugardaginn 15. maí... Tímamismunurinn dæmir mann til þess að fara á fyllerí um miðjan dag... sorglegt...
jæja... nú verð ég að fara að drekka meiri bjór...

Jibbí

2004-05-04T19:05:00.000Z

Komst án vandræða til USA! Sól og sumar!

Nauðsynlegar upplýsingar fyrir Frónbúa...

2004-05-03T10:17:00.000Z

Það var 31°c í Santa Barbara í gær... Hélt þið vilduð vita það! múhahahahahahaha!!!

Fanney litla fer til útlanda

2004-05-02T15:04:00.000Z

Núna eru ákkúrat 25 og hálfur tími þangað til ég fer í loftið!
Hlakka alveg rosa mikið til en er samt hálf-kvíðin líka... Missi örugglega af vélinni frá Minneapolis til LA eða af rútunni frá LA til Santa Barbara- eða gleymi farmiðunum/vegabréfinu/veskinu mínu heima og þarf að snúa við þegar ég er komin til Keflavíkur eða bara e-ð... ég er ekki það heppin að eðlisfari að þetta eigi eftir að ganga upp... Reyndar hugsa ég að fyrst hún mamma gamla gat þetta, þá hlýt ég að geta þetta líka... Ég meina, kommon! Ég hlýt að geta reddað mér á menntaskóla-enskunni minni...

Annars er ég nokkurn veginn búin að pakka- á reyndar eftir að þrífa herbergið en ég nenni því ekki núna- Enda slatti af kössum og töskum hérna inni ennþá...
Nú er það bara að fara í Bónus og versla fyrir Sollu- og þá er þetta alveg að koma hjá mér! Er búin að vera alveg hrikalega löt um helgina hanga uppí rúmi og horfa á bíómyndir eins og mér væri borgað fyrir það... og borða nammi- ég bókstaflega heyrði mig fitna í gær...

Jæja- ég skrifa meira í USA

California dreaming

2004-04-28T09:53:00.000Z

Já nú styttist í "útförina" skal ég segja ykkur! Fer út um miðan dag á mánudag! Hlakka alveg slatta til en nenni samt ekki að gera allt sem ég þarf að gera áður en ég fer- t.d. pakka niður öllu draslinu mínu því ég er að fara að flytja út frá Jónu og Óla...
Bæ ðe vei... vitiði um e-n stað til að geyma nokkra kassa á í a.m.k. mánuð? Þetta er ekkert svo mikið og ég er reiðubúin að borga sanngjarnt verð fyrir plássið...t.d. 5000 kall...
Svo ef þið viljið vinna ykkur inn smá aukapening- skattfrjálsan, þá væri ég mjöööög þakklát :o)
Annars er allt fínt að frétta- fór til Ak um helgina í 2 stk fermingarveislur- svaka gaman að borða ;)
Svo var djamm á lau. með Jónu Björk, Hannesi frænda og fleirum góðum Akureyringum... Jet black Joe var í Sjallanum og virkilega sorglega fáir þar... Eins og þeir eru góðir... skil ekki alveg hvað er að gerast! Vil annars þakka Jónu og Hannesi fyrir gistinguna :)
Sjáumst síðar!

Betra er hús í ólagi en ekkert hús...

2004-04-15T18:59:00.000Z

Jeij!!! Ég er loksins komin aftur heim! Fór norður um páskana eins og sumum er líklega kunnugt um- Fór á ekta akureyskt djamm á miðvikudaginn með Evu Björk og Valla- Kaffi Ak var alveg að gera það!
Svo á Kópaskeri tókst mér að næla mér í ælupest svo allur laugardagurinn fór í það að vera mjög illt og páskadagur í það að vera pínu illt- mælikvarði á hversu illt mér var: mamma besta gaf mér páskaegg frá Nóa-Siríus nr. 2 og ég gerði 3 tilraunir yfir daginn til þess að borða það... hvað segir það ykkur? Ég er nú ekki vön því að leifa súkkulaði sko!
En allavega...þegar ég kom aftur suður var mér bannað að koma heim... Jóna og Óli höfðu e-ð truflast og ráðist á alveg saklausan vegg í eldhúsinu og rifið hann niður- því fylgdu ýmis vandkvæði svo sem 2 sm munur á gólfi í eldhúsi og á gangi svo þá þurfti að "flota" allt gólfið og sonna... a.m.k. komst ég inn í herbergið mitt í fyrsta skipti síðan á miðvikudaginn síðasta í dag og er alveg voða ánægð með það- þrátt fyrir að íbúðin sé í rúst og vart íbúðarhæf, en það er bara spennandi- svona útilegufílingur!
Sem betur fer eigum við Jóna rosalega góða vinnufélaga sem skutu yfir okkur skjólshúsi- Þ.e. Jóna, Óli og Álfheiður fluttu inn á Önnu Dóru og fjölskyldu og ég inn á Halla, myndarlega vinnufélagann...
Ég er sem sagt komin heim en Jóna og CO eru farin norður á Kópasker í fermingu Birkis, bróður Óla. Svo ég verð ein heima um helgina-
ykkur er öllum boðið í heimsókn, ef ykkur er sama þó ísskápurinn sé tómari en allt og einu sætin eru gólfið í stofunni... ;o)

Hef svo sem ekkert merkilegt að segja ykkur... Jú ég fékk sendibréf frá Ólöfu vinkonu minni í Danmörku um daginn- alltaf gaman að fá svona alvörubréf með frímerki og öllu, sérstaklega fyrir fyrrverandi frímerkjasafnara eins og mig!

Jæja- skrifa meira seinna! Lovja!
Ykkar Fanney beib með meiru

...Leti er holl...

2004-04-05T20:03:00.000Z

Ég veit ég er búin að vera löt...
Ég hef afsökun... Ég er búin að vera of upptekin við það að þræða kaffihús bæjarins með myndarlegum karlmanni svo ég segi nú ekki meir...
Fór annars í sumarbústað á laugardaginn, svaka stuð, entist samt ekki eins lengi og í frumsýningarpartýunum í "gamla daga" þrátt fyrir heitan pott- en ég var a.m.k. ekki sofnuð fyrir miðnætti!
Ætla svo sem ekki að skrifa mikið núna- er að fara að horfa á video...
EN... Baldur vinur minn verður 21 árs á morgun, 6. apríl! Til hamingju með það Baldur minn :)
Og Ottó... Æm nott afreid off jú!
Hey! Ég er að fara norður á miðvikudaginn!!! Alla leið á Skerið! :)
síja leiter!

Shop ´til u drop!

2004-03-25T19:53:00.000Z

Hellú!!
Hvað er svo að frétta?
Segi bara allt fínt takk! Fór í Kringluna í dag... (ótrúlegt en satt) og verslaði mér peysu og bol :) Ég er svo miklu hamingjusamari núna! Maður verður nefnilega alveg voðalega happy af því að versla... ég gæti t.d. verslað allan daginn og aldrei leiðst! Þess vegna ætla ég að ná mér í ríkan mann- Því ekki mun ég hafa tíma til þess að vinna hvort eð er, alltof upptekin í búðum!
Í alvöru... Ég held að fátt gleðji mig meira en að fara heim með fullar hendur af pokum sem í eru föt eða bara e-ð til þess að hafa gaman af... Sorgleg kannski... En svona er þetta bara! Ekki það að ég sé alltaf að kaupa mér e-ð... eða þannig sko... a.m.k. finnst mér ég Aldrei eiga neitt til þess að fara í - nema kannski í vinnuna en þá er mér líka nokk sama hvernig ég lít út og á alveg fullt af misfallegum bolum og buxum til að fara í :)
Annars fór ég í Pennan, Kringlunni í dag, eins og venjulega, þar vinnur hin rosalega mjóa og sæta Dunda og hef ég mjög gaman af því að heilsa upp á hana þegar ég á leið hjá! Oft á hún meira að segja e-ð slúður í pokahorninu-
Nú ætla ég að byrja að mæla með stöðum til þess að fara á- þ.e. stöðum sem mér finnst alveg svaka-skemmtilegir og í dag er það
Penninn Kringlunni- því þar er svo gaman að slúðra og helmingur starfsfólksins er farinn að þekkja mig! ;)

Sorglegur vinnutími

2004-03-22T07:16:00.000Z

Klukkan er 07:20 og ég er búin að vera að vinna í 2 tíma og 20 mín! Og vakandi í 3 tíma! :(

Peningum kastað á Kringlukasti...

2004-03-19T17:53:00.000Z

Það er komin helgi eina ferðina enn! Þetta er alveg ótrúlegt! Það er bara alltaf helgi...

Í dag missti ég mig smá í Kringlunni, keypti mér ilmvatn og undirföt... svona er að vera gella, það kostar útgjöld!
Er að fara að passa Lárus Ármann í kvöld þegar foreldrar hans ætla að bregða sér af bæ, alla leiðina á Stokkseyri-Eyrarbakka (man ekki hvort enda er þetta alveg það sama er það ekki?). Á laugardaginn verður svo kannski djammað ef svo ber við...
Allt fínt að frétta svo sem...
Nenni ekki að skrifa meira enda er ég ofsalega svöng eftir búðarrápið!
Bless kex!

Djamm tvo daga í röð... ég hlýt að hafa verið lasin...

2004-03-16T15:45:00.000Z

Jæja... í dag er líka gott veður en ég nenni ekki út...
Já nú er um að gera að rekja atburði helgarinnar:
Á föstudagskvöldið fór ég út að borða á American Style með Helga Vilbergi vini mínum og svo fórum við heim og drukkum bjór og svona- Svo var ferðinni heitið niðrí bæ, bærinn var ekkert spes eins og venjulega en við Helgi skemmtum okkur mjög vel þrátt fyrir það! Sátum eiginlega allan tímann að spjalla :)
Á laugardaginn þurfti ég svo að vakna alltof snemma til þess að fara að kaupa mér árshátíðardress, því þrátt fyrir allt vildi ég ekki fara í plastinu... Laufey var svo góð að koma með mér og ég fjárfesti í þessu líka rosalega fína pilsi og bol. Svo kom ég heim og gerði mig fína :) og við Jóna fórum til Önnu Dóru því þar ætluðum við gellurnar úr "tínslunni" að hittast og gera okkur ennþá fínni og drekka smá léttvín :) Svo var ferðinni heitið á Kringlukránna þar sem ég keypti dýrustu margarítu sem ég hef heyrt um, a.m.k miðað við bragðið... Svo þegar við vorum að fara voru okkur réttir strætómiðar og okkur sagt að rúta biði fyrir utan til að flytja okkur á Grand Hótel. Í ljós kom að þetta var sko engin rúta heldur strætó sem hafði verið leigður fyrir okkur! Hef Aldrei skemmt mér jafn vel í strætó skal ég segja ykkur! Og við þurftum ekki einu sinni að nota miðann! Á Grand hótel var bara mjög fín stemming, þetta var alveg hin besta skemmtun og endaði hjá mér um miðnætti þegar "við unga fólkið" fórum niðrí bæ- vorum reyndar bara 3...
Djammið var óvenju skemmtilegt og ég hef aldrei hitt jafn mikið af fólki sem ég þekki á djammi í Rvk!
Hitti svo Tinnu mína og fékk gistingu hjá henni, enda alltof langt að labba heim og dýrt að taka taxa!

Annars hefur ekkert merkilegt gerst í mínu lífi síðan held ég... Jú ég hitti Tinnu í gær og hún bauð mér upp á dýrindis kvöldmat! Takk fyrir það Tinna mín :)
Er svo að fara í bíó í boði starfsmannafélags Pennans á morgun, miðinn gildir fyrir tvo svo ef e-r vill koma með þá er það velkomið!
Takk og bless og ekkert stess!

Í sól og vetraryl...

2004-03-15T14:40:00.000Z

Það er svo geðveikt veður að ég ætla bara ekkert að skrifa... Sjáumst á Laugaveginum eftir 20 mín! ;)
P.s. komdu með pening fyrir ís...
Þín Fanney

Lafði Lokkaprúð...

2004-03-10T16:45:00.000Z

Svo fííííín!!! Eða vil að minnsta kosti halda það... Var nefnilega í litun áðan... Og þvílíkur munur! Nú get ég sko farið á árshátíð án þess að skammast mín! Þ.e. þegar ég verð búin að fara í svona 10 ljósatíma í viðbót... ;)
Verð samt líklega að vefja mig inn í plast því ég á ekkert til að fara í... Vonandi reddast það samt- Vil helst ekki gera fólki það að mæta bara í plasti, það gæti farið með það...
Svo á bara að skella sér á djammið á föstudaginn! Hitta vini og kunningja úr MA en 4. bekkur er í náms- og starfskynningarferð í borg óttans!

Helena Björg fyrrverandi samstarfskona mín í Leiru og vinkona (við erum nú ennþá vinkonur) á annars 21 árs afmæli í dag! Til hamingju með afmælið sæta!

Hversu ljótt getur hárið mitt orðið???

2004-03-09T15:15:00.000Z

Ég er með frestunaráráttu... Veit ekki hvort þetta flokkist undir leti eða hvað... en allavega tekst mér að fresta öllu... Lifi á mottóinu- á morgun segir sá lati... T.d. er ég búin að fresta því að fara í litun í marga mánuði...enda lít ég mjög illa út! Svo er ég líka búin að fresta því að lita og plokka á mér augabrúnirnar svo þið getið bara rétt ímyndað ykkur hvernig ástandið er á hausnum á mér! Pantaði mér samt tíma áðan í strípur á morgun kl hálf þrjú... nenniði að minna mig á það? Ætti ég kannski að verða dökkhærð? Eða með fjólublátt hár eins og i 8. bekk? Nei... ég var ekki að mótmæla e-u... ég bara gerði mér ekki grein fyrir því að þótt maður myndi fá sér smá fjólubláar strípur myndi hárið verða fjólublátt að sjá...
Nei ætli ég fari nokkuð að bregða út af vananum... Ljósar, rauðlitar, og brúnar strípur takk eins og undanfarin ár... Sorglegt hvað ég er mikill kjúklingur í þessu! Langar svolítið að breyta til, en bara þori því ekki...
Annars segi ég bara allt fínt takk... Svolítið svöng, en ekkert þreytt sem verður nú að teljast til undantekninga þegar ég á í hlut!
Hvað eigum við að hafa í kvöldmat? E-r uppástungur? Alltof langt í hann samt... kannski maður dragi Jónu og Álfheiði út í bakarí... mmm...
Jæja! Best að fara að afla sér matar!

Hey! Ég gleymdi næstum!
Hún Ólöf mín bestasta besta Magnúsdóttir átti afmæli 7. mars! Orðin Tuttugu OG eins!
Til hamingju elskan mín!

P.S... Lenti í smá rimmu við matarborðið í dag... með hvorri höndinni borðar maður ef maður notar skeið?... Ég er nefnilega örvhent (ekki mjög fötluð en örvhent þó...) og geri mér ekki alveg grein fyrir þessu...
Viljiði vinsamlega svara mér :)
Hafið þið annars tekið eftir því að örvhentir eigi erfiðara með að átta sig á hægri og vinstri? Ekki það að ég þurfi stundum að hugsa mig um sko... As if!!
Meðan ég man... Vitiði að Clueless er með betri bandarískum gelgjumyndum sem gerð hefur verið? Atriðið þegar Josh og Cher enda saman... mmm... þvílík rómantík! (Man meira að segja hvað þau heita og allt!) En hugsið ykkur samt... Hún var gerð '95... Þvílík klassík!

Helgi=útsofningur!

2004-03-05T18:21:00.000Z

"Hvaða, hvaða... á ekkert að djamma um helgina? Neeee... held ekki... maður veit samt aldrei.. gleymdi samt að fara í ríkið!"
Í gær gerðist það merkilegasta af öllu merkilegu í mínu lífi... ég eldaði!!! og það fiskrétt! Alveg ótrúlegt hvað mín er heimilisleg!
Annars ekkert að gerast...

Tíminn líður hratt á gervihnattaöööld!

2004-03-03T22:42:00.000Z

Vá hvað tíminn líður hratt! Þetta er alveg ótrúlegt! Í dag eru nebbla bara 2 mánuðir þangað til ég fer út! oh hvað ég hlakka til!

Annars er ekkert að frétta held ég... Á mánudaginn, humm... ég man ekkert hvað ég gerði á mánudaginn... vá... jú ég fór að rölta niður Laugaveginn og kom við í Mál og Menningu og keypti mér bók svona að gamni... Hún var svo ódýr að ég hafði bara ekki efni á að sleppa henni... Heitir "Ekki segja frá" og er eftir Írisi Anitu Hafsteinsdóttur og er alveg rosalega átakanleg saga stelpu sem var misnotuð í æsku. Fór á Kofa Tómasar frænda sem er mitt uppáhaldskaffíhús... fer alltaf þangað ef mig langar að setjast ein niður og lesa blöðin eða e-ð. Held reyndar að starfsfólkið þar haldi að ég eigi enga vini því ég fer aldrei þangað með öðrum... En allavega... ég fór þarna inn og settist og byrjaði að lesa bókina og svo bara gat ég ekki hætt... las rúmlega 200 síður... soltið klikk... Fór svo heim og kláraði hana... Mæli alveg eindregið með þessari bók!

Í gær fór ég svo til Tinnu sætu og tók með mér tvær spólur af videoleigu og við horfðum á þær og kjöftuðum svo á milli... Algjör letidagur með pizzu og nammi... :) Elska svona daga, vildi í raun að svona liðu allir dagar!

Í dag hef ég ekkert gert nema passa Álfheiði Unu sem er veik og sofa...

Jæja... best að fara að sofa aftur...
Síja!

Myndir segja meira en 1.000 orð!

2004-02-29T20:16:00.000Z

Í dag ákvað ég að halda hvíldardaginn heilagan... Vaknaði ekki fyrr en 20 mín í 2 og fór þá á fætur og borðaði matinn sem ég hafði keypt á djamminu kvöldið áður og engan veginn haft lyst á... Það skemmtilegasta var að ég nennti ekki að setja í mig linsurnar svo ég var blind í örugglega klukkutíma eftir að ég vaknaði :) Svakastuð! Verð að fara að kaupa mér gleraugu... Svo lagðist ég bara í sófann með fæturnar upp í loft og horfði á dagskrá fimmtudagskvöldsins á skjá 1 sem ég var svo ótrúlega snjöll að taka upp! Lá þar þangað til Donni, pabbi Óla og Maggý kona hans komu í heimsókn, þá neyddist ég nú til að setjast upp ;o)
Ótrúlega gott að eiga svona daga samt, maður hvílist svo mikið! Ég var sem betur fer ekkert þunn... fór nefnilega í bekkjarboð sem ég hélt að þýddi bara 2-3 bjóra og spjall... í staðinn lenti ég niðrí bæ, eftir að hafa tæmt ískápinn hjá Valla og Aðalbjörgu af áfengi... nei nei það var nú alls ekki svo slæmt! (Þau áttu svo mikið...)
Bærinn var bara eins og venjulega... ekkert spes.

En bekkjar"boðið", sem breyttist fljótt í "partý" (þ.e. ef skilgreiningin á boði er ekki mikið áfengi, og partý miklu meira áfengi en í boði), var alveg mjög skemmtilegt! Þarna var skemmtilegi hluti bekkjarins kominn saman, Valli og Adda, Hildur og Jói kallinn hennar, Una og Hannes kallinn hennar og svo Ég og maðurinn minn tilvonandi, hann Mangi (sem reyndar enginn annar virðist sjá, en þeir um það...). Reyndar eru Jói og Hannes í raun ekki hluti af bekknum en þeir voru samt mjög svo velkomnir, enda hluti af Hildi og Unu og mjög skemmtilegir strákar. Eiki kíkti líka aðeins á okkur en stoppaði samt frekar stutt enda enn að jafna sig eftir föstudagskvöldið...
Ásdís kom svo seinna um kvöldið, eiginlega mjög seint, því hún hafði verið grímupartýi hjá kórnum, en hún bara varð að sýna okkur búninginn sinn... Sóley, Sóley búninginn sem við notuðum í fyrrnefndu árshátíðaratriði, sem þið getið séð HÉR. Hún var alveg glæsileg í honum skal ég segja ykkur!
Skemmtilegi hlutinn segi ég... og já... ég held ég standi bara við það... a.m.k. höfðu hinir ekki fyrir því að koma og eiga þess vegna ekki skilið að teljast til betri hlutans... (Sumir höfðu reyndar ágætis afsökun... en ég vil bara halda þessu svona...)
Ég held að mest allur tíminn hafi farið í það að skoða myndir úr MA í tölvunni hjá Valla og Öddu (ég nenni ekki að skrifa Aðalbjörg... ;), engin smá nostalgía það! Ó, hvað ég sakna Menntaskólaáranna...

Leikhúsrottan!

2004-02-27T15:55:00.000Z

Á miðvikudaginn fór ég í leikhús! Laufey systir, sem vinnur sem sminka í Þjóðleikhúsinu milli þess sem hún eignast ótrúlega krúttleg og feit börn (reyndar bara komið eitt núna en maður vonast samt alltaf eftir fleirum...), átti nebbla einn miða á lokaæfingu á Þetta er allt að koma og gat svo reddað öðrum á hálfvirði... maður lætur ekki svona boð framhjá sér fara... nema allir vinir mínir...Enginn nennti með mér ( fólk komst ekki vegna þess að það var að: Vinna/læra/hafði ekki pössun/ekki þessi leikhússtýpa) svo ég endaði á því að draga Óla mág með mér :) Við skemmtum okkur alveg konunglega! Mjög skemmtilegt leikrit og sviðsetningin, lýsingin og allt það dót var alveg ótrúlega töff! Innihaldið var líka mjög fínt en inn á milli voru samt pínu dauðir kaflar...

En ég kalla mig leikhúsrottu því ég var að uppgötva að ég er búin að fara 5 sinnum í leikhús á síðasta árinu... og hef aldrei þurft að borga fyrr en núna hálfan miða... Svona er að þekkja rétta fólkið... af þessum sýningum, sem eru: Chicago (MA), Grease (VMA), Pabbastrákur (Þjóðleikhúsið), Lína Langsokkur (Borgarleikhúsið) og svo loks Þetta er allt að koma, fannst mér nú MA-sýningin á Chicago langflottust... Það var líka alveg ótrúlega flott sýning! Ætla vonandi að fara á Chicago hér fyrir sunnan (Þarf samt að borga sem er nú fúlt þegar maður er svona góðu vanur...), en kvíði því eiginlega að sú sýning sé ekki jafn flott og hjá LMA... Annars er bara komin helgi.. svo ég er bara í góðu glensi! Jæja... skrifa kannski meira á eftir ef ég nenni!

Endilega tékkið á blogginu hennar Vilborgar Gellu Ólafsdóttur Þórðarsonar sem ég var að bæta við í linkasafnið mitt... hún er mjög góður penni!

Hæ ég er komin aftur... ég veit ég er að svindla og bæta við gamla bloggið en málið er að nú er kominn nýr dagur (kl er orðin hálf 1) en ekki hjá mér samt því ég er ekki farin að sofa! (Alveg að missa mig yfir því að fá að sofa út á morgun!)
Fór til Tinnu og Arnórs í heimsókn nú í kvöld... horfðum á American Wedding og höfðum það huggó... Svo fór ég snemma heim því frænkur mínar þær Lella, Kikka og Gréta + Geiri maðurinn hennar voru í heimsókn og maður má nú ekki missa af slíku! Það var alveg svaka-gaman að hitta þau :) (Athugið samt að ég skrifaði nöfnin þeirra ekki í réttri aldursröð... þið vitið, elsta fyrst og yngsta síðust því ég er á móti slíkri mismunun for a reason u know...)

Annars er ég búin að vera að pæla í einu undanfarið... Vitiði að það eru eiginlega aldrei gerðir lagatextar með karlmannsnöfnum sem aðalatriði... alltaf kvenmannsnöfn... T.d. Sóley, Sóley (sem minnir mann óneitanlega á árshátíð áhugamanna um félagsfræði í þriðja bekk), Nína, Álfheiður Björk, Ó, María mig langar heim (sem ég hélt alltaf að væri um einhverja Ómaríu þegar ég var lítil...), Ave Maria (hehe), Klara, Klara, Anna í Hlíð, Rabbabara-Rúna, Bella símamær, Mandy (með Westlife að ég held) og svo ótrúlega margir fleiri!
Jú ég veit alveg að það hafa verið gerðir textar með karlmannsnöfnum... eins og t.d. Siggi var úti, Guttavísur, og Gvendur á Eyrinni... En það er nú ekki sama ástarvælið og hitt!

Endilega látið mig vita ef þið munið eftir ástarvælstextum með karlmannsnöfnum!
Ykkar Fanney sem á engan texta um sig...
p.s. Morfís keppni á morgun, laugardag! MA vs. Versló kl 16:00 í Blá sal Verslunarskólans!! Ætla að mæta, Viljiði koma með?

Keila er mín íþrótt...

2004-02-24T19:13:00.000Z

Dagurinn í dag er búinn að vera mjög stuttur hjá mér... Ég vaknaði og fór í vinnuna, kom heim, borðaði, lagðist upp í rúm kl korter í 3 og vaknaði afutr kl hálf 7... svo bráðum þarf ég að fara að sofa aftur... Get það samt pottþétt ekki, svo kannski maður skelli sér bara út í búð að kaupa nammi... Málið er að ég ætlaði sko ekkert að sofna... ætlaði bara að leggjast aðeins og hlýja mér... En svona fór nú það!

Annars fór ég á djammið um helgina... Fór í partý til Tinnu og svo með Ásdísi niðrí bæ... það rann af mér um leið og ég kom út því það var svo kalt... Fórum hvergi inn svo telja megi, og enduðum niðrá Mama's Tacos sem er einmitt staðurinn okkar Ásdísar! Ég var bara búin að gleyma að mér finnst ekkert rosalega gaman að djamma í Rvk nema vera með mjög mörgu fólki og inni á e-m ákveðnum stað... ekki svona rölt á milli því maður þekkir engan! Skil ekki hvað ég var að kvarta yfir djamminu á Akureyri... þá fannst manni allt eins... alltaf sama fólkið sem maður þekkti... en nú finnst mér allt eins hér... alltaf sama fólkið sem maður þekkir ekki... En svona er lífið! Grasið er ekki alltaf grænna hinu megin!
Hér eftir fer ég ekki á djammið nema á MA-Djamm- og bekkjarpartý.
Og talandi um bekkinn minn (og þá er ég að tala um 4.GH úr MA)!!! Hann ætlaði að hittast í keilu í gær... og við mættum 4... Hinum verður sko ekki boðið í næsta partý ef ég má ráða!! Ég sem hélt þetta væri svo yndislegur bekkur... svo samrýmdur og blablalbla... HUHH!!!

En það var samt alveg brilliant í keilu! Fyrst mættu Aðalbjörg og Valli og við fórum og fengum okkur hambó og aðra hollustu í veitingasalnum í keiluhöllinni en Ásdís mætti svolítið síðar og missti meira að segja af 2 leikjum af 3. Þar sem ég hafði bara einu sinni farið í keilu áður, og það var fyrir 7 árum ef ég reikna rétt, þá bjóst ég nú við því að tapa feitt... en ónei! ég vann reyndar aldrei, en ég var samt 2x í öðru sæti! Vorum reyndar með svona grindur svo kúlan myndi ekki fara ofan í þessa ömurlegu rennu... Það er sko miklu skemmtilegra!!! Þá skorar maður a.m.k. e-ð! Ég meina, algjör óþarfi að þykjast vera e-ð rosalega góður, maður kemur frá Akureyri og þarna liggur eini munurinn á Ak og Rvk... Keila! Eftir keilu fórum við í nokkur spil þarna t.d. fótboltaspil, sem er einmitt í miklu uppáhaldi hjá mér! Ég vil endilega þakka þessum 3 fyrir frábært kvöld!

Í gærdag var ég svo að rölta á Laugaveginum og sá þá að auglýst var 15-30% afsláttur í skartgripabúð... Þar sem ég á mjög fallegt gullhálsmen með hvítri perlu, hefur mig alltaf langað í hring i stíl... svo ég skellti mér þarna inn og fjárfesti í einum... hann var svo ódýr... Maður verður víst að bjarga sér þegar maður á ekki kall! Þetta var líka eiginlega jólagjöf frá pabba því hann gaf mér pening og sagði mér að kaupa mér e-ð skart fyrir... Ekki það að mig vanti ekki úr sem er nú kannski skynsamlegra skart... en... ég hefði nú hvort eð er keypt mér úr!
Svo nú á ég nýjan hring en get samt ráðið mér alveg sjálf! Múhahaha!
P.s. Enn er laust sæti við hlið mér á árshátíð Pennans...

Það er að koma helgi!!!

2004-02-19T18:34:00.000Z

Já seisei!
Í dag gerði ég svolítið nýtt... ég kom heim úr vinnunni og fór út aftur en ekki að sofa! Þetta er alveg ótrúlegt! Fór í IKEA, Bónus og Rúmfatalagerinn með Jónu og Álfheiði. Það er alveg ótrúlega spennandi að labba um í IKEA... ætla sko að verða svona IKEA-frík... kaupa allt mitt þar! Nei kannski ekki... en ég fann samt mjög fallegan sófa sem mig langar pínu í... kostaði ekki nema 80. þús... hahaha, glætan að það verði fyrsti sófinn minn! Endaði með því að kaupa mér peru í lampann minn... (sá hana svo auðvitað miklu (tæpl. 10 kr.) ódýrari í Bónus 10 mín síðar...) Álfheiður greyið var e-ð úrill enda búin að vera lasin lengi en við píndum hana þó áfram... Svo þegar við vorum í Rúmfatalagernum gerði ég þau mistök að rétta að henni Bangsímon bangsa og hún neitaði að sleppa honum aftur, svo ég neyddist til að kaupa hann... sem betur fer kostaði hann ekki nema 99 kr. og ég varð besta frænka í heimi fyrir vikið!

Í dag gerðist það svo í vinnunni að okkur var send auglýsing fyrír árshátíð Pennans sem verður haldin 13. mars... Kostar bara smotterí og e-r "frábær hljómsveit" leikur fyrir dansi... (Finnst e-n veginn að ef þetta væri í alvörunni FRÁBÆR hljómsveit væri hún nafngreind, en kannski er ég bara fordómafull). A.m.k. er góður matur að mér sýnist og skemmtiatriði og alles! Þegar ég var að skrá mig (því ég læt svona skemmtun ekki framhjá mér fara!) þurfti ég að setja frekar sorglegt NEI við því hvort ég vildi hafa maka með, svo nú er ég farin að leita mér að deiti!

Annars er ekkert að frétta nema það að ég ætla að djamma um helgina... Sem er nú eiginlega stór-frétt... ég man ekki lengur hvenær ég djammaði síðast í Rvk svo það er kominn tími til. Vonandi verður gott veður...
Jæja, nú fer ég að halda áfram að gera ekki neitt!
Skjáumst seinna! Múhahaha

P.s. Ég hef ekkert frétt um vændi á Kárahnjúkum! (Vildi bara koma því að...)

Mig langar til að sofa...

2004-02-18T07:12:00.000Z

Hvað er máið? Ég fer rosalega seint að sofa, en samt get ég ekki sofnað... hugsa alltaf bara: "ó nei, ef ég sofna ákkúrat núna get ég bara sofið í 4 tíma..." svo aftur, "ó nei, ef ég sofna ákkúrat núna get ég bara sofið í 3 og hálfan tíma..." og enn aftur... "ó nei, ef ég sofna ákkúrat núna get ég bara sofið í 3 tíma..." og svona styttist þetta alltaf... óþolandi að eyða kvöldinu í það að vera andvaka... held það sé það leiðinlegasta sem ég geri! Þvílík sóun á tíma!
Og það er ekki eins og ég sé að hugsa e-ð merkilegt... nei ég hugsa sko bara um það hvað ég get sofið lítið...
Núna er klukkan rúmlega sjö og ég er í morgun-kaffitíma í vinnunni, alveg að leka niður... best að fara að leggja sig eftir vinnu... en þá get ég örugglega ekki sofnað í kvöld... Æ þetta er alveg farið í hring!
Hvað þýðir annars að dreyma alveg fullt af handklæðum á snúru?? Vitiði það?

Til hamingju með afmælið mamma mín!!!

2004-02-16T16:25:00.000Z

Í dag er sá merkisdagur 16. febrúar og í dag er mamma mín fimmtug! Hún er reyndar núna í Santa Barbara hjá Sollu systur og fjölskyldu... svo ég kyssi hana varla í dag... en vonandi hefur hún það gott, líklega því það er miklu hlýrra þar en hér og þið vitið hvað það er gott að vera heitt... Nú styttist í mína utanlandsferð, þó eru 11. vikur í það enn... Annars er ekkert að frétta, er að fara út að borða á morgun til að fagna öðru afmæli, Tinna vinkona er nefnilega 22 á morgun... mér sem finnst svo stutt síðan hún varð 18... Jæja, ég ætla ekkert að skrifa mikið í dag, enda hef ég ekkert að segja...
Jú Snorri Guðvarðs, pabbi Sverris, á líka afmæli í dag, 51 árs! Til hamingju með það Snorri minn! Ég er reyndar búin að hringja í hann og óska honum til hamingju en aldrei er góð vísa of oft kveðin!
Knús og kossar til allra sem ég þekki ;)

Einkamáladálkur Fanneyjar

2004-02-15T18:08:00.000Z

Góðan Daginn!!
Vaknaði heldur seint í dag... kl hálf 3... en ég fór samt svo seint að sofa að ég fyrirgaf sjálfri mér! Álfheiður er nefnilega ennþá veik og þar sem mamman er að skemmta sér á Akureyri þarf ég að hálpa til að þrífa eftir hana og svoleiðis... Ég er samt alveg ótrúlega sterk! Kúgast ekkert við það að þrífa ælu... ég held ég megi þakka þeim vinum mínum sem eru algjörir hænuhausar og gjarnir á að æla þegar of mikið af áfengi er innbyrgt þennan ótrúlega háa ógeðis-þröskuld! Fátt er svo með öllu illt að ei boði gott segi ég nú bara! Eiginlega vissi ég ekki sjálf hvað ég er sterk- kom mér á óvart! Hef annars mest lítið gert í dag... enda bara búin að vaka í 4 tíma... Var að vonast til þess að e-r myndi hringja í mig og bjóða mér á kaffihús með sér eða e-ð... nenni samt ekki að hafa frumkvæðið, það eru allir svo uppteknir alltaf- í skóla og svona... Hver veit samt- Maður er manns gaman er mitt mottó... eða þannig sko...

Er samt farin að halda að ég sé leiðinleg... Kannski ég hætti bara að skrifa hérna og loki mig bara inni eftir vinnu... A.m.k. hefur enginn hringt síðan á föstudaginn... fyrir utan eina sem vantaði greiða... Úff... hvað segir þetta mér?!?! Jæja, nú gengur þetta ekki lengur! Ég fer bara á einkamál.is og auglýsi eftir vinum!!! Eða bara hér!

Ung stúlka, fædd '83, ekkert átakanlega leiðinleg (held ég), auglýsir eftir fólki til að hanga með eftir vinnu og á kvöldin (fyrir 22 samt því ég þarf að fara snemma að sofa...) Áhugamál: Sætir strákar, diskótek, tónlist, nammi ofl.
Þarf að vera fjárhagslega sjálfstæður einstaklingur (ég nenni ekki að hlusta á tuð um að þú hafir ekki efni á því að fara í bíó eða á barinn og svona!)

Hafið samband! þið getið bara hringt eða skrifað comment og ég mun hafa upp á ykkur...

Jæja, best að fara að hringja í e-a af vinkonum mínum sem ég held að fari ekki að gráta þegar hún sér nafnið mitt á símanum sínum...

p.s. Jóna og Ólöf... þið eruð alveg seif enda í útlöndum!

Fjarlægðin gerir fjöllin blá og laaaaaaangt til Húsavíkur

2004-02-14T15:36:00.000Z

Afsakið þetta skriftarleysi, ég hef frá nægu að segja en er bara búin að vera lasin... Enda ekkert skrýtið eftir ferð dauðans!
Nú er bara spurningin... Komst ég á Kópasker eftir allt saman?
Ég skil mjög vel ef þið nennið ekki að lesa þetta allt... en þetta er samt alveg ótrúlega spennandi saga!

Já, þetta byrjaði allt með því að ég hafði pantað mér far með flugvél frá Rvk til Ak kl 13:30... Þegar ég kom svo á flugvöllinn kom í ljós að e-r ruglingur hafði átt sér stað, svo ég átti ekki að fljúga fyrr en kl 16:00... Fannst þetta nú helv. skítt en lét mig hafa það. Laufey greyið sem hafði keyrt mig út á flugvöll þurfti þá að ná í mig aftur en hún fékk að hlaupa inn í Smáralind í staðinn meðan ég beið í bílnum með Lárusi Ármanni. Svo fengum við okkur þjóðarrétt USA- McDonalds og keyrðum svo aftur út á flugvöll.
Á Akureyri tók Sigga Magga á móti mér og við fórum á Glerártorg að versla og svona... Svo fórum við heim í Ystu-Vík og ég fékk að hitta Löru og Roman Darra, Stip og svo auðvitað hann pabba minn.

Örn og Svanfríður, bróðir Þrastar og konan hans, ákváðu svo að leggja af stað frá Akureyri til Kópaskers kl 20:30. Við fórum úr Ystu-Vík kl 21:00 í þessu fína veðri en vissum að það ætti eftir að versna en bara ekki svona mikið... Við Ystafell ákváðum við að snúa við því varla sást á milli stika og engin glóra í því að halda áfram svona, enda búin að vera klukkutíma þangað (ég veit ekki hvað það tekur langan tíma venjulega, en það er amk innan við hálftíma), þrátt fyrir gott slyggni framan af. Þegar við vorum nýbúin að snúa við mættum við snjóruðningstæki sem sagði að Víkurskarðið væri ófært vegna veðurs, við ættum bara að fylgja honum, hann væri á leið til Húsavíkur. Jæja, þá ákváðum við að snúa aftur við, enda skárri kostur að gista á Húsavík en í bíl uppi á Víkurskarði... Þetta gekk svona líka rosalega vel... Örn gat bara fylgt appelsínugulum blikkljósum bílsins en sá, að ég held, mjög sjaldan stikur, hvað þá veginn!

Jæja... Loks vorum við alveg að komast að stóru beygjunni í Kinninni...eða hvað... Jú, þarna var hún, lengsta beygja sem ég hef farið í, viss um að hún var margir hringir! Jæja, svo var það langa-brúin sem ég er alltaf skíthrædd við, hvað þá í svona veðri... hún kom eftir alveg örugglega hálftíma... venjulega fer maður í beygjun-vúúúmm, og svo brúna bara strax á eftir! Þetta var alveg ótrúlegt veður! En já þetta gekk svona í nokkurn tíma, þangað til við komum að Tjörn sem er að ég held við beygjuna að Ýdölum. Þá þurfti stóra tækið á undan okkur að snúa við til að ná í e-r fífl sem voru á ferðinni í þessu veðri, skil bara ekkert í fólki að vera að ana svona út!!! Jæja, fram úr okkur fór þá jeppi og keyrðum við á eftir honum að Laxamýri, en þá gafst sá bíll upp. Kom þá í ljós að þarna var lögreglumaður á ferð á einkabíl og tókum við hann upp í.

Þegar við vorum svo ALVEG að komast til þessarar blessuðu víkur sem kennd er við hús, nánast tiltekið rétt sunnan við afleggjarann að Kaldbak þar sem Benedikt bekkjarbróðir minn býr, fórum við útaf... og það var sko fjör! Ég varð soltið skelkuð... enda hallaði bíllinn meira en honum var hollt að mínu mati... Jæja, hringt var í lögregluna og kom hún eftir drjúga stund og spilaði okkur inn á veginn (mér var farið að líða eins og aðalpersónu í Braki og brestum eftir Elías Snæland Jónsson. Kommon! Þið munið eftir henni!). Jæja loksins komumst við á Húsavík! Þegar við komumst loks inn á Fosshótel Húsavík var klukkan orðin 02:00! Við vorum sem sagt 5 tíma frá Ystu-vík til Húsavíkur- leið sem tekur í góðu færi 1 klst MAX að fara...
Jæja við fengum herbergi og ákváðum að skoða færið daginn eftir.

Veðrið var að ganga niður þegar ég var vakin morguninn eftir (minnir samt að það hafi verið milli eitt og tvö) en ekki var ljóst hvort Tjörnesið,sem var samkvæmt fréttum kolófært, yrði mokað, því það var ekki hinn heilagi Mokstursdagur (Nú hata ég opinberlega ákveðna Mokstursdaga! Hvernig væri að moka bara þegar það er ófært?!?! Ekki moka þeir þegar það er autt er það? Þótt það sé mokstursdagur! Djöf. niðurskurður alls staðar!) Aftur á móti var það vegagerðinni þóknanlegt að moka til Akureyrar, svo því var rumpað af! Við fórum í heimsókn til vinahjóna Svanfríðar og Ödda og þar fengum við reiðarslagið- Tjörnesið yrði ekkert mokað þennan dag- Var ég alveg búin að sætta mig við þetta og farin að pæla hvað væri í Sjallanum um kvöldið...

Þá hringdi Þröstur og sagði e-a brjálæðinga ætla að reyna að komast yfir Nesið á jeppum- (svona er Þorrablót á Kóðaskeri vinsæll viðburður!) svo við fundum út hverjir þeir væru og hvort við mættum fljóta með- Við vorum nefnilega á jeppa- (Mitsubishi pallbíl með húsi). Það var lítið mál og kom þá í ljós að hinir jepparnir 2 voru það sem ég myndi kalla jepplinga... a.m.k. voru þeir pínulitlir og litu ekki út fyrir að komast yfir lækjarsprænu, hvað þá risa-snjóskafla... klukkan 16:45 lögðum við því af stað og áttum greiða leið allt þar til við komum að skafli einum... höfðum við ekki enn hætt okkur í hann þegar Risajeppa bar að garði... Renndi hann í skaflinn og sat þar fastur. Hann var mokaður upp og gat þá troðið slóð fyrir okkur aumingjana á eftir sér... svona gekk þetta yfir alla skaflana, nema að Risajeppinn festi sig ekkert en það gerðum við hinir... Hann dró okkur svo í gegnum verstu skaflana. Þetta var alveg voða ævintýralegt e-ð, sífellt bættust fleiri bílar í lestina og undir lokin voru komnir 9 bílar og allir að fara á þorrablót á Kópaskeri! Hver segir svo að það sé ekki gaman! Þið trúið því örugglega ekki hvað ég varð glöð að komast loks niður í Kelduhverfið! Jæja það var fólksbílafæri alla leiðina á Skerið og þangað komum við kl 19:45! korteri áður en blótið átti að byrja... En vegna þess hvað við vorum mikilvæg öll saman (enda örugglega 40 manns...) þá var því frestað um hálftíma svo ég kom ekki nema nokkrum mínútum of seint! ;) Já þannig fór það!

Blótið var alveg ótrúlega skemmtilegt! Ég skildi alveg helling af skemmtiatriðum og ef ég skildi þau ekki, hló ég bara enn hærra! hehehe
Vil ég þakka Lilju Guðmundsdóttur vinkonu minni fyrir að brjótast líka frá Akureyri og vera með mér þarna- án hennar hefði þetta ekki verið jafn skemmtilegt! Þeir sem ekki fá þakkir eru: Vinir mínir sem gátu ekki komið vegna þess að þeir nenntu ekki.
Á sunnudaginn vaknaði ég svona líka rosalega spræk- ekkert þunn enda hafði móðir mín spælt egg og brauð þegar heim var komið um nóttina. Þegar líða tók á daginn ákvað ég af góðmennsku minni að fara út að ganga með Skugga, hund nágrannans sem var í pössun hjá mömmu og Þresti (hundurinn var s.s. í pössun ekki nágranninn). Hann er svartur Labrador og mikinn lífskraft og gleði í honum að finna... Hélt þetta yrði ekki mikið mál... Annað kom í ljós! Hann dró mig bara um allt! Ég var bara heppin að geta hlaupið með, annars hefði ég verið með pönnukökunef og mar á hnjám... Varð þunn við þetta allt saman og fór að sofa...

Ferðin til Ak gekk alveg ljómandi, ég gisti í Ystu-Vík og fór svo suður með flugi á mánudagskvöld.

Ég fór svo í vinnu á þriðjudaginn en þegar líða fór á daginn fann ég að ég var ekki alveg eins hress og skemmtileg og venjulega... Fór heim og lagði mig... þegar ég vaknaði svo aftur var ég komin með hita á hálsbólgu... Hálsbólgan var nú ekki neitt en hitinn var verri... 39-40 stig en verkjatöflur eru allra meina bót... Hef ekki horft svona mikið á sjónvarp síðan ég var veik í sumar! Ég mætti sem sagt ekkert í vinnu í síðustu viku nema þennan eina þriðjudag! Góður starfskraftur það! Er eiginlega búin að jafna mig núna... pínu slöpp en samt að ég held ekki með hita. En þessi leti vika fékk mig samt til þess að fara fljótlega að setjast í helgan stein... eða leggjast á helga steina eins og ég vil segja það...múhahaha

Í gær kom samt Tinna og við horfðum á LOTR Fellowship of the ring, hún hafði nefnilega aldrei séð hana... ég verð nú að bæta úr því svo hún fékk að sjá lengri útgáfuna! :) Og skemmti sér bara vel!
Jóna fór til Akureyrar um helgina svo við Óli ætluðum að hafa pizzuogvídjókvöld í gær. Þegar hann var að ná í pizzuna vaknaði Álfheiður og þegar ég fór inn í herbergi var hún búinn að æla út sig alla út. Greyið stelpan var komin með ælupest og er ennþá ælandi ef hún kemur e-u niður. Hræðilegt að sjá hana svona lasna - venjulega er hún nefnilega voða hress þegar hún er veik en ekki núna, nú vill hún bara kúra. Vonandi jafnar hún sig fljótt!

Jæja hetjurnar mínar! Nú er ég hætt og farin að fá mér pizzuafganga síðan í gær!!!
Megavika Domino´s lengi lifi!!! Húrra, Húrra, Húrra!!!

p.s. Gleðilegan helv, andsk. Valentínusardag! (Hver þarf á slíku að halda? huhh!)
p.s.s. Ef þið endilega viljið, megið þið senda mér blóm (og súkkulaði)! Munið að hafa kort með þar sem stendur:

Gleðinlegan Valentínusardag elsku Fanney mín.
Þú ert alltaf svo sæt!
Þinn leynilegi aðdáandi.
xxx

Hef aldrei fengið svona... humm... það hlýtur að vera af því að ég er alltaf að flytja... fólk veit ekki hvar ég bý hverju sinni! :)

Kópasker City here I come!!!

2004-02-05T20:03:00.000Z

Ég hlakka svo tiiil, ég hlakka alltaf svooo tiiil!
Já í dag pantaði ég mér far til Akureyrar! Fer á morgun kl 13:30 :) Ég fæ svo far með Ödda, bróður Þrastar og Svanfríði konunni hans til Kópaskers og þar á að skella sér á ærlegt íslenskt f***erí! Það er nefnilega Þorrablót! Reyndar borða ég nú ekki mikið af þessu þorramat, en kroppa a.m.k. í hangiketið, rófustöppuna og harðfiskinn... Svona er að vera vandlát... Ég reyndi eitt sinn að smakka hrútspung hjá pabba, minnir að ég hafi sett heilt stykki upp í mig... ég var fljót að skila því aftur! Ég get varla borðað sveppi og rækjur af því að mér finnst svo ógeðslegt að bíta í þær, hvað þá pung!
Hingað til hefur verið alveg rosalega gaman á þessum blótum, allir að dansa og drekka, sumir of mikið aðrir bara passlega...(og ekki er hljómsveitin af verri endanum, hið eina, sanna local band Legó! Þeir eru víst að gera allt vitlaust, farnir að spila á Akureyri og alles! Missti reyndar af þeim þar, enda ekki enn orðin 21, hefði samt kannski getað sagt, Nó, nó, ðiss iss ókei! æ nó ðe gæs hú ar pleying! En sleppti því vegna fyrri reynslu af slíku plotti...) Hugsið ykkur bara, allir að djamma saman, ungir sem aldnir! Mér finnst einmitt vanta svona böll hérna í borginni, svona stemmningu sem myndast til dæmis á gamla Pollinum, Græna hattinum og Oddvitanum á Akureyri, það er sko skemmtilegt að fara á svoleiðis djamm(!), fyrir utan feitu sveittu, sköllóttu kallana sem virðast stundum halda að þeir séu MUN yngri og flottari en þeir eru og algjörlega ómótstæðilegir... Skil ekki alveg hvort þeir haldi virkilega að svona gella eins og ég vilji ólm fara með þeim heim eða hvort þeir séu bara að reyna að hrella mann...

Þessi vika er annars búin að vera alveg rosalega fljót að líða. Reynar er Álfheiður enn lasin, ótrúlega hress samt miðað við c.a. 39 stiga hita stundum! Ótrúlega glaðlynt barn stúlkan sú! Kannski er ég bara svona ótrúlega fyndin en ég þarf varla að segja annað en "BÚ!" og þá fer hún að skellihlæja!
Já sei sei, ég fór í Kringluna í dag og það var svona líka rosalega gaman! Þar sannaðist að sjaldan er ein báran stök! Það virtist sem það væri MA bekkjarmót þarna sem ég vissi ekki af, því fyrst hitti ég Evu Lind og settist niður með henni og stráknum sem hún var að passa, hún er nefnilega að vinna á Lyngási, dagvistun fyrir fötluð börn og unglinga og hafði skellt sér í mollið ásamt einum drengnum. Ég hafði varla kvatt hana þegar ég heyrði nafn mitt kallað úr hæstu hæðum og þá voru Aðalbjörg og Hildur bekkjarsystur mínar úr 3. og 4. bekk í MA að snæða ís á stjörnutorgi svo ég ákvað að hlamma mér niður hjá þeim líka, loks kvaddi ég þær og hélt áfram, þá sá ég hvar Ölli sem var einmitt með mér í bekk í 1. bekk sat einn á bekk og þóttist tala í símann (hann átti samt ekki inneign og enginn hafði hringt í hann, hafði þó vit á því að setja símann á silent svo enginn myndi hringja óvænt í miðju samtali við ósýnilegan félaga). Ég ákvað að stoppa smá og spjalla enda hafði ég ekki hitt hann í háa herrans tíð! Til að toppa þetta ákvað ég að skella mér í Pennann og kíkja á Dundu sem var einmitt með mér í bekk í 4. bekk! Alveg ótrúlegt hvað heimurinn er lítill!

Ég ákvað áðan að setja skemmtilega reglu/leik... alltaf að skrifa e-ð skemmtilegt orðtak/málshátt í hverri færslu, reyni samt að setja það inn í textann! Sá sem finnur orðtakið/málsháttinn (og veit helst uppruna þess og merkingu), fær hrós frá mér. ;o) Ef e-r vinnur 5 sinnum í röð, fær hann kannski óvæntan glaðning!

Jæja þá var það ekki fleira sem mér lá á hjarta!
Hvað er annars að frétta af ykkur? Ertu búinn að borða e-ð Eiki minn?

Ekki má gleyma því að hún Sigga Magga systir mín er 31 árs í dag! Til hamingju með afmælið systir góð!
Mun ég varpa fram frumsaminni vísu að því tilefni, mér til gamans!

Sigga Magga systir mín
stór er orðin núna
Þetta yrkir Fanney þín
þokkalega lúna

Nú eru allir dagar Sjoppudagar...

2004-02-02T17:44:00.000Z

Helgin var alveg rosalega róleg hjá mér... ég gerði eiginlega bara ekki neitt... Mín ætlaði þokkalega að fara að djamma á laugardagskvöldið með Evu Lind en hún beilaði og fór að vinna í staðinn... Kannski sem betur fer því ég var alveg dauð um miðnætti... Við Jóna og Óli höfðum það bara rólegt og horfðum á Finding Nemo (á skrifuðum disk sem er e-ð mjög bilaður og stoppaði örugglega 10x) og úðuðum í okkur flögum og ídýfu... Svo fór ég að hanga á netinu allt of lengi og svo bara í háttinn.
Sunnudagurinn var einnig mjög rólegur en þá fórum við Eva Lind og fengum okkur amerískan morgunverð með öllu tilheyrandi á Gráa Kettinum! Það var mjög fínt en ég myndi þó ekki fara þarna aftur því þetta er frekar dýr staður. EFtir að hafa gert "Trukknum" góð skil (það var heitið á máltíðinni, skil það reyndar ekki alveg því þetta var nú ekkert svo rosalega mikið, nema ég sé bara svona gráðug ;), fórum við að leigja okkur video. Við fórum fyrst og leigðum Magdalenes sisters, en þar sem The Pirates of the Caribbean var ekki inni á þeirru leigu og Evu langaði svo rosalega til að sjá hana, keyrðum við út um allt að leita að henni, enduðum með að panta hana... Þegar við vorum nýkomnar inn úr dyrunum heima hjá Evu hringdi videoleigan og tilkynnti að hún væri komin inn... alveg týpískt! En já við sem sagt horfðum á þær báðar og svo fór ég bara heim að sofa enda klukkan orðin 22:30...
Í dag var sem sagt Sjoppudagur hjá mér aftur því Álfheiður Una dóttir Jónu var veik og Jóna var því heima hjá henni; engin Jóna= Sjoppa ;) Fékk mér eina pYlsu með öllu og allt undir takk! Skil ekki þennan sið Reykvíkinga að vilja troða e-u ofan á pylsurnar sínar... mér finnst það bara verða subbulegt! En já, ég var sem sagt að vinna alveg ógeðslega lengi í dag, tæplega 12 tíma! Ekkert smá dugleg og alveg að verða búin að vinna mér inn fyrir kápunni sem ég ákvað að ég nennti ekkert að skila í dag... Svo nú á ég nýja kápu!
Get t.d. notað hana á þorrablóti á Kópaskeri um næstu helgi! Ef ég kemst þá þangað... Er ekki alveg að skilja þessi nettilboð hjá Flugfélagi Íslands... hver vill ferðast kl 07:45 á föstudagsmorgni? Huhh! Vona bara að ég geti hoppað!
Þá var það ekki fleira í þættinum að sinni, veriði sæt!

Mamma gærdagsins

2004-01-30T21:42:00.000Z

Þið áhangendur síðunnar minnar hafið líklegast saknað þess að ekkert hefur verið skrifa alveg ótrúlega lengi er það ekki??! Í gær var ég nefnilega "mamma með enga mjólk í brjóstunum" frá klukkan 3 til 10! Sonur minn hét Lárus Ármann og ástæðan fyrir þessu var sú að Laufey (alvöru mamman með mjólkina í brjóstunum) var e-ð bækluð og þurfti þess vegna til svoleiðis læknis og svo í bíó (bíóferðin var þó ekki vegna bæklunarinnar)... Þetta var alveg ótrúlega auðvelt! Ég skil ekki hvað foreldrar eru að kvarta! :) Eva Lind var svo góð að koma með Subway handa mér um kvöldið og við horfðum svo bara á video því drengurinn svaf svo vært (a.m.k. mest allan tímann). Ég komst samt að því að þessi frændi minn er ekkert ólíkur öðrum karlmönnum- Ef hann kvartar tekur maður hann bara úr buxunum og þá verður hann voðalega ánægður!
Í dag var svo Sjoppudagur í vinnunni. Reyndar er hann alltaf fyrsta föstudag í mánuði, en þar sem það var útborgunardagur í dag þá ákváðum við að það væri mjög sniðugt að fara bara líka í dag... Efast samt e-n veginn um að það verði farið næsta föstudag þar sem Jóna systir er mjög mikil bremsa á sjoppuferðirnar mínar, segir að ég hafi bara ekki gott af þessu! Ég vann í sjoppu í 3 ár og veit mín takmörk (sem eru bæ ðe vei ekki svo lág)! Mér finnst þetta a.m.k. mjög skemmtileg hefð og það er alveg ótrúlegt hvað það er miklu meira tilhlökkunarefni heldur en þegar ég ákveð (oftast ef Jóna er ekki í vinnunni) að fara í sjoppuna daginn eftir (Það er e-ð svo leiðinlegt að koma með nesti fyrir einn... ;). Eftir vinnu fór ég svo að hanga í Kringlunni og skoða í búðir... Veit samt ekki hvað ég var að spá, ég finn aldrei neitt til þess að kaupa þótt viljinn sé fyrir hendi! Reyndar var undantekning á reglunni í dag þar sem ég kom heim með þessa líka svakalegu gellukápu. Ég er samt ekki alveg búin að kaupa hana, fékk bara að fara með hana heim til að máta hana betur. Held ég sé ástfangin en hún er samt heldur lítil... Það gerir samt ekkert til því ég fer hvort eð er að grennast bráðum... eða það held ég! Fór reyndar líka í Vínbúðina og verslaði fyrir mánaðarlaunin enda ekkert smá dýrt að fara á eitt skitið ****erí á Íslandinu góða (Ég ætla að nota * sem mest því ég skil oft ekkert sjálf hvað fólk er að meina þegar það skrifar ekki öll orðin!). Efast samt um að það verði um helgina eða e-r næstu helgar þar sem ég er alltaf dauð úr þreytu á miðnætti :( En hver veit? Kannski lifi ég lengur í þetta sinn! síðast en ekki síst fór ég í mat til Laufeyjar og Kjartans þar sem boðið var upp á þetta fína Lasagne! Takk fyrir mig!
P.s. ef þið farið inn á blogg mömmu minnar sjáið þið hvað ég er orðin rosalega góð í að setja inn comment "forrit" hjá fólki! Ekki bara sæt, hahh!

Í viðjum strætóanna!

2004-01-28T15:16:00.000Z

Var að koma heim úr vinnunni, sem væri nú ekki markvert ef ég hefði ekki þurft að bíða eftir strætó í alls rúmlega 20 mín! Fyrst í 5 mín eftir þeim fyrri og svo í 15 eftir þeim næsta! Alveg óþolandi að þurfa alltaf að skipta um strætó á miðri leið! Sérstaklega af því að í raun er þetta bein leið... a.m.k. á einkabíl. Mig langar í neðanjarðarlest! Bara fyrir mig! Kannski myndi ég líka leyfa ykkur sem ég þekki að fá far stundum gegn ríflegri þóknun... ef þið eruð góð! Var annars að passa rosalega stóra frænda minn, hann Lárus Ármann, í gær á meðan mamma hans var í kjaftaklúbbnum sínum! Hann er ekki orðinn þriggja mánaða en samt tæp 8 kíló! Hann var sem betur fer voða ljúfur og góður og sofnaði meira að segja í fanginu á mér :) Ældi líka á öxlina á mér en var annars mjög svo hittinn á bleiuna sem ég lærði (ðe hard vei) að skella á öxlina á undan honum! Ég er líka að fara að passa hann á morgun en þá ætla foreldrar hans að skella sér á LOTR, enda tími til kominn! Ég er búin að sjá hana tvisvar og væri alveg til í að fara aftur!
Endilega komið með komment en það er (kannski) hægt þar sem stendur Shout out hér á síðunni... kann ekki alveg á þetta drasl svo ég vona að þetta virki!

Ekki bara sæt!!!

2004-01-27T15:32:00.000Z

Jæja! Nú er komið að því... Ég er komin með tölvu og adsl svo það er eins gott að nýta það!
Annars er ekkert að frétta. Var bara að vinna til 2 í dag :) reyndar byrjaði ég eins og alla aðra morgna kl 5, svo þetta var nú alveg ágætis vinnudagur! Vil endilega láta ykkur vita af því að ég er að fara til USA, nánar tiltekið Santa Barbara, California, 3. maí... í 4 vikur! mmm... hlakka svo til að sleikja sólina og gera ekki ****gat á meðan þið hin eruð flest að púla í prófum, vinnu eða e-u álíka spennandi ;) múhahahaha